Ukuthatha amaSampula Wehlabathi

©Louise Brodie
Ukuthatha ama-samples wendawo ozoyitjala ayokuhlolwa yinto eqakatheke nanyana efanele yenziwe kokuthoma ebubulweni le-horticulture. Indlela le itjheja izakhimzimba ezikhona ehlabathini kanye nalezo ezitlhayelako. Umphumela wokuhlolwokhu ivumela bona kufakwe iimvundisi ze-macro kanye ne-micro nutrient ekungizo.

Indlela

Sebenzisa igarafu nanyana i-augur kanye namathunga amabili, ithunga linye lehlabathi yangephezulu, thola ihlabathi nanyana isampula lehlabathi yangephezulu kanye neyaphakathi. Isampula yehlabathi yangaphezulu ivamise ukuthathwa ehlabathini engaphezulu eyi-30 cm.
Isampula yehlabathi ephakathi ethathwa hlangana kwe-30 cm ukuya phasi ukuya ku-60 nanyana i-100 cm ukuya phasi, okuya ngokobana yakheke njani imirabhu yestjalo ohlela ukusitjala nokobana ufuna kobana itjalo ositjale ehlabathi sitjhingele kangangani. Ukuhlola ihlabathi nanyana ukwenza bona itjhingele kwenza bona ibambe amanzi kuhle.
Kutlhogeka ama-hectare amane ukuya kwasithandathu qobe hectare.
Kokuthoma qala ngazmehlo indawo ofuna ukuyitjala ukobona bona ukwakheka kwayo kuyahluka na. Nange ihluka kufanele kuthathwe amasampula ehlabathini ngayinye. Nange ihlabathi iqaleka ifana, thatha amasampula endaweni yoke ofuna bona itjalwe.
Hlwengisa indawo lapha uzokuthatha khona isampula uyisuse zoke iinzibi nanyana utjani nezinye izinto. Sebenzisa iphatheni i- Z, S nanyana -W lapho uthethe khona isampula. Kufanele ivale indawo yoke.

Ukusebenzisa i-Augur

©Lousie Brodie
Lokha nawusebenzisa i-augur, thatha ihlabathi engaphezulu eyi-30cm uyikhiphele ethungeni eline hlabathini engaphezulu. Phinda indlela le ehlabathini engaphasi ehlabathini etjhingela nge-30cm ukuya ekutjhingeleni kwehlabathi othathe isiqunto sokuyisebenzisa khiphela ihlabathi le ethungeni elinehlabathi ephakathi.
Phinda indlela le emasampuleni woke asele ahloliweko. Kiyo yoke ihlabathi engaphezulu esethungeni kanye nenye ihlabathi.

Ukusebenzisa Igarafu

©Louise Brodie
Lokha nawusebenzisa igarafu ukubuthelela amasampula, thoma ngokubuthelela umgodi oyi-SQUARE onamahlangothi ahlwengekileko atjengisa i-profile yehlabathi ukufikela lapha itjhingela khona. Thatha igarafu ukire ngayo ukuya phezulu ukusuka ekutjhingeleni obuya phasi bomgodi okuzokwenza bona ukarabhe amasenthimitha amabili ukuya kwamthathu ukusuka emahlangothini ukwenzela bona isalele egarafini.Ihlabathi le ibekwa ehlabathini engaphezulu ethungeni.
Indlela efanako iyaphindwa ngokukira igarafu uyise phezulu ukusuka phasi emgodini ukufika ephawini eliyi-30cm uqiniseke bona akunahlabathi engaphezulu etjhidileko, ukwenzela bona ihlabathi engaphasi ingasulelwa yihlabathi yangaphezulu. Ihlabathi le ibekwa ethungeni elinehlabathi ephakathi. Phinda indlela le emasampuleni woke akhethiweko. Ngehlabathi yoke engaphezulu isethungeni linye kanye nehlabathi ephakathi ikwelinye ithunga.
Lokha sele amasampula woke athethwe eendaweni zoke amasampula wehlabathi engaphezulu kanye nehlabathi ephakathi nasele zisemathungeni wazo ihlabathi ethungeni ngalinye kufanele ihlanganiswe kuhle. Yoke ihlabathi engaphezulu ihlanganiswa nenye ethungeni linye kanye namasampula woke wehlabathi ephakathi ziyahlanganiswa.
I-labhorathri ezabe ihlola ihlabathako izabe ikuphe isilinganiso samasampula ebawatlhogako njele angathathwa ethungeni afakwe etjhwaratjhwareni ezinkhwama zamasampula zimeregwe ngemininingwano yzo zisiwe e-laboratory msinya ngendlela ekungarhonakala ngayo.

Translated by Busisiwe Skhosana