Okufana nezulu, isnanja mhlobo wezudlwana begodu singarholela ekutheni kube namanzi enarheni ekulinywa kiyo, kodwana singabanga umonakalo omkhulu eentjalweni ezikhulako, khulukhulu eSewula Africa.
Yini Igabhogo?
Ibhola lesnanja nanyana iinqephu zerhwaba zithoma ku-3 mm ukuya ku-50 mm ngobukhulu. Ngebanga lokobana isnanja senzeka ngokobana kube namafu we-convective. Isnanja sivamise ukuhlotjaniswa nemidumo yezulu kanye nemibani. Isnanja sivamise kobana siwe imizuzu eyi-15 begodu sivamise ukwenzeka lada nanyana phakathi kwangemva kwamadina.
ISewula Africa ivamise kobana ibanjwe sinanja esikhulu, ngebanga lokobana iphakathi- begodu inobujamo bezulu obuhlangana kwe-30 kanye ne-60 degrees ePumalanga neTjonalanga ye-equator.
Lenzeka Njani Igabhogo?
Isiwuruwuru sitlhoga kobana kube nerhwabalaza elaneleko kanye namanzi aphole khulu kobana senzeke. Ukobana ilitje lesnanja elincani lenzeke kutlhogeka kobana kube nomoya nanyana isiwuruwuru esingaba yi-35-55 km/h. Amatje amakhulu alingana nesilinganiso segolfu kanye nobubanzi obuyi-40 mm, begodu atlhoga umoya oya phezulu nge-90 km/h.
Amatje wenwuruwuru atlameka embewini yamathosi arhahlileko nanyana emaqaneni athambileko aziwa ngokobana yi-graupel. Ukobana amathosi arhahlileko nanyana ukobana i-graupel ikhule ibe sinanja, kutlhogeka kobana athole irhwaba elingezelelweko, ekuyikambiso ebizwa bona yi-accretion. Ukwenza njalo, isnanja kutlhogeka kobana siqede isikhathi emafini aphole khulu lapha amazinga womtjhiso angaphasi kwe-0°C.
Amatje asinanja awa ngebanga lokungezeleleka kwesayizi okwenza bona amaseli wesiwuruwuru angarhoni ukubanjwa mumoya oya phezulu, nanyana angabanjwa mumoya oya phasi. Amatjewesnanja amakhulu awa ngebelo eliyi-160 km/h. Isnanja esinengi sincibilika ngaphambi kokobana sifike phasi.
Iindawo ezinesnanja eSewula Africa. Umlimi kutlhogeka kobana anga. Complacent ngokulima eendaweni enesinanja ngebanga lomonakalo owenziwa yisnanja nanyana sisinye ungabango umonakalo omkhulu emkhiqizweni wentjalo. Isibonelo abakhiqizi bamadiribe be-Wateberg esifundeni seLimpopo abathola isinanja kanye nanyana kathathu ngonyaka, faka amanedi abizako wesnanja ukuvala iimvini zamadiribe.
Isnanja esinengi sisesifundeni sakwaZulu-Natal, eencenyeni ezisepumalanga netjingalanga yesifundeni se-Eastern Cape, esifundeni se-Free State ephakathi, eendaweni ze-Highveld yangeRhawudeni esifundeni, kanye neMpumalanga kunezinye iinarheni zeSewula Africa.
Ibande Lesnanja eSewula Africa
Kunenwuruwuru eSewula Africa. Iindawezi zinenewuruwuru zesinanja kunezinye iinarha ezizizombelezileko. Indawo ye-Misgund e-Langkloof Valley, ekungenye indawo yeSewula Africa ekhiqiza iinthelo ezinengi, nekuyindawo ethandwa sinanja, begodu baloba iinthelo ezinengi ngesnanja.
Esinye isnanja esikhulu sitholwa entabeni ze-Winterberg esifundeni sange-Eastern Cape ukusukela etjingalanga ye-Somerset East ukuya etjonalanga ye-Fort Beaufort. Abatjali bamalamula abawatjalela ukwenza inzuzo e-Kat River Valley eduze kwe-Fort Beaufort sele balobe khulu ngebanga lokobana inarha leyo ithandwa sinanja.
Esifundeni sange-Eastern Cape, ngoNobayeni kanye nangoTjhirhweni isinanja siwa ngamaqa amakhulu ukudlula iqanda lekuku.
Kuqakathekile ukwazi lokha kusikhathi sonyaka lapha kuzokuba nesinaja khona eendaweni ezithize, ngebanga lokobana isigaba sentjalo lapha isnanja sihlasela khona senza umehluko emonakalweni esiwenzako. Ngabhadi ilwazi eliphathelene ngokobana isnanja sizakangakhi, nanyana sizokuza singesayizi engangani izangoma zezulu azinalo.
Translated by Busisiwe Skhosana