Umuthi ohlala ohlaza we-carob ukhiqiza ama-pods amumethe intanga, atjhuguluka abenzotho ngombala lokha nakavuthiweko. Ama-pods la amumethe iintanga ezisudu ezinzotho ngombala ezihlangana nendawo. Lokha zisiliweko, zikhiqiza ukgomu osetjenziselwa ukutjhubisa ukudla. Ama-pods asudu la, anenani eliphezulu lomthiya elidliwa ziimpera, iinkomo, iimfarigi, iimbuzi kanye nemiqasa. I-pod eyelike (kanye nambewu eqinileko) kufanele kusilwe nge-hammermill. Iintanga ze-carob ziqine khulu ngaphandle kokobana zisiwe ngaphambi kokophiwa iinlwane, zingagwinyeka zingakageki bezifike emathunjini weenlwane. Imbewu ze-carob zimumethe amaprotheyini ayi-18% kanye nokgomu oyi-42%, ukuya ku-46%. I-carob izele nge-tannins begodu akukafanele idlule i-10% lokha nayifakwe ekudleni kweenlwane.
I-tannins iphazamisa ukusileka kwamaprotheyini. Iflowura eyenziwe ngembewu ye-carob izele amaprotheyini begodu isetjenziswa eenkomeni kanye nemakukeni wezinja. Iflowura ye-carob incibilika msinya emanzini begodu ingasetjenziselwa ukulisisa iimfarigi ezincani ibisi, amakonyani kanye nembuzi. Abanye abalimi bapha iimpera zabo i-carob njengencenye yokudla okumakhaza (okuzele umthiya)nanya ukujamiselela ukudla okuyiswigiri okufana ne-liquorice. Ama-pods la asilwa nge-hammermill, kodwana ezinye iimpera zidla ama-pods la ziwadobha phasi. I-carob njengokudla kwemiqasa kwahlolwa eemfundweni zeGibhide kwatholwa bona nakufakwe i-5% ye-carob pod ekudleni kwenza bona imiqasa ikhule msinya.
I-Carob Kukudla Kwezimvu Neembuzi
I-carob njengokudla kwezimvu kwafundwa ngakho ekhubhululweni elenziwa ngu-Kahramanmaras Sutcu ejunivesithi ye-Bursa, enarheni ye-Turkey. Kwatholwa bona i-carob pod epheleleko ilungele ukuletha amandla ezimvini,kodwana ukungezelela ngamaprotheyini kuzokutlhogeka lokha ama-carob pods afakwe ekudleni kwezimvu.
Irhubhululo le-Italy kokuphiwa kweenlwane ukudla, lithole bona i-carob pod inamaprotheyini aneleko kanye namandla wokuhlangabezana, nanyana ukujamelana netlhogeko zembuzi ezimunyisako kanye nezimvu eemfundeni ezinesomiso, ukudla kwazo okungasibutjani bumumethe izinga elaneleko lemithiya eyenziwe nge-carob pod engaba yi (26%) kanye ne-beet pulp-(27%). Isimedwesi singajamiselela ukudla kwekhalithi ephasi okubutjani.
Njengokudla Kweemfarigi
I-carob ikukudla okuhle kweemfarigi. Irhubhululo elenziwe eplasini lapha barhweba khona ngeemfarigi enarheni yange-Greece laqala bona kunomthelela muphi ekhwalithini yenyama nyameni yefarigi ukupha iimfarigi i-carob. Kwaphiwa iimfarigi ezingaba yi-160 egade zilisiswa i-carob ukudla okumumethe i-0 nanyana i-75 nanyana i-100 nanyana i-125 g ye-carob pod qobe ikhilogramu yokudla. Imiphumela yatjengisa bona imizimba yazo yaba nobudisi obuphezulu lokha nakufakwe i-75 nanyana i-100 g/kg ye-carob pods. Ukusetjenzisw kwe-carob pod ekudleni kweemfarigi elevelini eyi-125g/kg qobe kukula akhange kutjhugulule ubudisi bomzimba. Njeke kuphakanyiswa bona kusetjenziswe i-carob pods njengokudla okunonisa iimfarigi.
Usiyazi weemfarigi kanye nodorhodere weenlwane u-Dr Jim Robinson, uphakamisa bona i-carob esiliweko engadluli i-5% yokudla kweenlwane nokobana ithome iphiwe iimfarigi ezidla kokuthoma ukuze kubonwe bona iziphatha njani ngombana amazinga aphezulu we-tannini kanye neswigiri avamise ukwenza iimfarfigi ezincani bona zingasafuni ukudla nanyana zizipha amandla jama ekuzipheni i-5% ukunciphisa iindleko ngaphandle kwalokha i-carob ithengiswa ngaphambi kokuhlolwa bosiyazi abathembekileko. Kungekhatheso kwaphela lapha ungangezelela ihlanganisela yakho yokudla ifike ku-10%.
Sibawa nitjheje: Lwazeli lenzelwe ukufundisa kwaphela kanye nelwazi kwaphela begodu akukafaneli lisetjenziswe njengeseluleko sokudla. Ilwazeli alikenziwa ngommncopho wokujamiselela iseluleko nanya iseluleko sokukuphiwa kokudla osinikelwe ngudorhodere weenlwane.
Translated by Busisiwe Skhosana