Dipeu tša peu di thata kudu gomme ka ntle le go epiwa pele ga phepo, di ka feta le go šilega boima mo tselatšhilegong ya diphoofolo. Dipeu tša carob di na le protein ye ka bago 18% le mmotu wo ka bago 42 – 46%. Carob e na le tannis ya godimo gomme ga ya swanela go dira phepo ye fetago 10% ya diruiwa. Tannins tše di thibela go šila gwa proteine. Flouru ya peu carob e na le proteine ya godimo e bile e dirišwa mo dijo tša dikgomo le dikokise tša mphša. Folouru ya carob e šilega gabonolo ka meetseng gomme e ka šomišwa bjalo ka dijo tša pele tša piglets, mamane le diotli tše dingwe.
Balemi ba bangwe ba fepa dipere tša bona carob bjalo ka phepo e botse ( digwaši tša godimo) goba go tloša dilo tša swikiri tša go swana le liquorice. Diphotlwa di epiwa ka gare ga hammermill, eupša dipere tše dingwe di ja diphotlwa go tšwa fase. Carob bjalo ka phepo ya mmutla e ile ya lekwa mo thutong ya egyptian gomme go hweditšwe gore 50% ya diphotlwa tša carob ka gare ga dijo di hlohloletša kgolo ya mebutla.
Carob ya Dinku le Dipudi
Carob bjalo ka furu ya diruiwa tša dinku e ile ya balwa mo dinyakišišong tše di dirilwego mo yunibesithi ya kahramanmaras sutcu imam mo Bursa, Turkey. Go hweditšwe gore diphotlwa tša carob ka botlalo di na le bokgoni bja go fa enetši ye botse go dinku, eupša tlaleletšo ya proteine e ya nyakega ge diphotlwa tša carob di lokelwa ka gare ga dijo tša diphoofolo.Mo dithutong tša phepo tša Seithalia go hweditšwe gore diphotlwa tša carob di na le proteine e lekanego go le enetši go fihlelela dinyakwa tša phepo tša bogami bja dipudi le dinku mo dileteng tša semi-ard. Ka dipudi tša maswi, dijo tša non-forage di na le palo ye lekanego ya digwaši ka mokgwa wa diphotlwa tša carob (26%) le peteswikiri tša kota (27%). Se se ka ba sebakeng sa kabelo ye fokolago ya furu ya boleng.
Carob Bjalo ka Phepo ya Dikolobe
Carob e loketše phepo ya kolobe. Dinyakišišo tše di dirilwego mo polaseng ya kolebo kua Greece e lebeletše ka moo phepo ya carob e be e ama boleng bja nama ya dikolobe. Palomoka ya 160 ya tomollo ya dikolobennyane di be di leša dijo, tšeo di nago 0 goba 75 goba 100 goba 25g ya diphotlwa tša carob go phepong e tee.Dipoelo di bontšhitše gore boima bja mmele bo be bo le godimo kudu, ka bogodimo ba 75 goba 100 g / kg ya diphotlwa tša carob. Tšhomišo ya diphotlwa tša carob mo phepong ya dikolobe mo legatong la 25 g / kg ya dijo ga se ya ka ba le seabe go boima bja mmele. Bjalo, diphotlwa tša carob di hlagišwa bjalo ka furu ye nontšhago dikolobe.
Ngaka ya diphoofolo e kgethegilego ya dikolobe le Jim Robinson, o eletša šhomišo ya carob tše epilwego gabotse, palo ye sa fetego 5% ya dijo tša phepo gomme dikolebe tše kgolo go swanetše go sekaseka maikutlo a tšona pele. ‘Tannin ya godimo le swikiri ya godimo di na le go gatelela takatšo ya dijo mo dikobeng tše nnyane, le ge e le gore diteng tša enetši di tla be di lokile. O se ke wa feta 5% go boloka theko ka ntle le ge e le gore carob e a rekišwa ka tshekatsheko ya maleba go ya ka yona. Ka lebaka le fela, o ka leka go oketša go 10% ya motswako wa phepo ya gago’.
Ela hloko: Tshedimošo ke ya thuto le tshedimošo ya morero fela gomme e se ke ya hlalošwa bjalo ka keletšo ya phepo. Maikemišeditše a tshedimošo ga se go tloša dikeletšo goba kaelo ya dijo tša phepo tšeo di filwego ke batsebi ba diphoofolo.Translated by Lebogang Sewela