Amalwelwe Ajayelekileko Kanye Nemiraro Yeembuzi

©Susan Schoenian University of Maryland Extension

Amalwelwe kanye nemiraro yezepilo eembuzini ingabangelwa kungasikwaphela mihlobo eyahlukeneko yenunwana (iingogwana, amabhakutheriya, amanyokani kanye ne-protozoa) kodwana nokungadli kuhle. Isibonelo, ukungadli kuhle kuvamise ukubanga ukurhuluka kombungu.
Imiraro eembuzini ibonwa ngenlonda ekubalwa amathumba, amathumba eenyaweni kanye ne orf. Amanye amalwelwe angabangwa ngobunye ubulwelwe. Isibonelo i-orf kanye ne-mastitis. Amaputwana wembuzi angarhatjha i- ngomlomawawo ayise eenkoneni zamabele wobommabo. Imbuzi ezisikazesi singathola ubulwelwe be-mastitis.
Amanye amalwelwe angatjengisa amaphawu afanako, iimbuzi ezine-tetanus, bluetongue kanye ne-heartwater zingatjengisa amatjhwayo wokuthukwa afana nokujikisa imizimba yayo. Lokha ukuthulula kulitjhwayo le-coccidiosis kanye nokungenwa manyokani. Njeke kuqakathekile ukwazi ukuhlukanisa ubone amatjhwayo wamalwelwe wembuzi.
Amanye amalwelwe akhandelwa ngcono ngokobana agonyelwe amalwelwe afana ne-pulpy kidney kanye ne- tetanus kanye neprogramu elungileko yokugoma zingakhandela amanye amalwelwe wembuzi kanye neenunwana zangaphakathi. Buza udorhodere weenlwane nanyana i-animal health care technician.

Ukurhuluka Kombungu

©Susan Schoenian University of Maryland Extension

Ukurhuluka kombungu kungabangelwa yindlala nanyana sinunwana esifana ne- Chlamydia (ukuyelapha: yigomele) nanyana i-Coxiella (yelaphe ngokulawula umkhaza) Ukukhandela ukurhuluka kombungu, qiniseka bona imbuzi ezimithi ezisikazi zidla amaprotheyini aneleko kanye namandla. Bawa umuntu okuphela iinlwane zakho ukudla, udorhodere weenlwane akuphe iinyeleliso.

Amathumba

©Susan Schoenian University of Maryland Extension

Ithumba libonwa ngokoba rondo libebuhlungu belivuvuke lokha nalithitwako. Ithumba libangwa mabhakutheriya angena eslondeni. Ithumba kufanele libulawe amagciwani likhitjhwe ubomvu ngento esterilaziweko. Landelisa lokhu ngenjekutjhini yama-antibiotic.

Amathumba Weenyawo

©Susan Schoenian University of Maryland Extension

Amathumba weenyaweni abangelwa mumulwana ongena eslondeni esincani (esifana nokulunywa mkhaza) enyaweni. Amathumba wenyaweni abonwa ngokobana imbuzi ibhalelwe kukhamba kanye namaqatha abuhlungu avuvukako. Ukwelatjhwa kwamathumba asenyaweni kubalwa ukuwelapha ngama-antibiotic nge-oxytetracycline, ngedibhu yemikhaza kanye neyenyawo.

Orf

©Susan Schoenian University of Maryland Extension

Umlomo obuhlungu mumulwani weskhumba kanye ne-mucous membranes (amehlo, umlomo iimpumulo kanye neenkone) zemvu kanye neembuzi. I-Orf iyarhetjhekela nebantwini. Susa iinlwane ezinobulwelwe uzise kude nomunye umhlambi uzelaphe nge-vaseline (yembatha amaGLOVES) nanyana usebenzise ispreyi sama-antibiotic. Ukugoma kungakhandela i-Orf ekusabalaleni nomhlambi woke.

Mastitis

©Fir0021

I-Mastitis bulwelwe obubuhlungu khulu lapha kuvuvuka khona isinya. Amatjhwayso kubalwa umgomani, ukugandeleleka ngokomkhumbuli, ukungadli, ukungavumeli amaputwna ukumunya. Ibele liba bomvu livuvuke ibisi londe libe mamanzi nanyana libe negazi elidege elinamahlwili.
Dlheganisa ibodlelo lamanzi atjhisako nalelo lamanzi amakhaza (nanyana irhwaba elifakwe ethawuleni) imizuzu eyi-5 ukuya ku-10 uyelaphe ngenjekutjhini yama-antibiotic emsipheni. Yipha amaputwana agulelwa bomma ibisi elihlwengekileko ngebhodlela ukwenzela bona angabulawa yindlala.
Ungahlanganisi ibisi eline-mastitis kanye nebisi elinepilo.

Pneumonia

©Susan Schoenian University of Maryland Extension

I-Pneumonia ibangelwa yingogwana ebizwa bona yi-Pasteurella kanye ne-Mannheimia begodu ingathoma lokha imbuzi igandeleleke ngokomkhumbulo - isibonelo ubujamo obumbi bezulu, ukuthuthwa kwayi, ukutjhuguluka kwamazinga womtjhiso msinya.
Amatjhwayayo kubalwa umgomani, ukuphelelwa mumoya, ukukhohlela, ukuphuma amathimila kanye nokungadli
Belaphe ngomkhiqizo othatha iskhathi eside i-oxytetracycline. Zinikele umthunzi lokha nakunobujamo obumbi bezulu nalokha uzithuthela kude, vumela iinlwane bona ziphumule, zisele amanzi, zidle nehoyi.

Pulpy Kidney

I-Pulpy kidney ivamise ukuba bulwelwe obuyingozi obubangwa yingogwana ebubamba amaputwana. Buvela ngemva kokobana ukudla into ethile sele kubengcono msinya. Imbuzi ingathoma ikhambe itherezela, iyathe nanyana ife msinya ngaphandle kokutjengisa amatshwayo.
Ukwelatjhwa kuvamise ukuba lada kodwana ubulwelobu bungakhandelwa ngokuthula ukudla okutjha kancani kancani.
Ukuhlola umzimba wembuzi efileko -/ post-mortem kungaveza isbindi esithambileko sombala ombatjhileko, amathumbu abovu azele umoya kanye nokuzala amanzi msinya esakeni elizombeleze ihliziyo.
Kuyenziwa ukugonyelwa kwe-pulpy kidney.

Tetanus

Ibangelwa yingogwana ebamba iinlonda ebanga nobusteyifu eenyaweni kanye nezandleni, yenze kube budisi ukuphefumula kanye namakrempe. Ihloko igobeleka phezulu, imemeze lokha nayithintwako bese i-eyelid lijikajike ilihlo loke.

I-Bluetongue

Yingogwana ethuthwa yinunwana i-midge begodu ingenzeka ngemva kokuna khulu kwezulu lokha ubujamo bezulu bumanzi bebufuthumele. Iimbuzi zizokutjengisa umgomani, zivuvuke iindebe zomlomo bezijamise iintamo zazo ngendlela engakajwayeleki. Ukungezelela, ilimi lazo lizobahlaza kwesibhakabhaka kuvele nezinto ezibomvu ngaphezu kweenqatha.
Gomela ubulwelwe be-bluetongue etwasahlobo (ngemva kokobana zibelethe kungasingeskhathi seenyanga zokuthoma ezintathu zokumitha) susa iimbuzi emadlelweni ephasi uzivikele eenunwaneni.

Heartwater

Ibangwa mkhaza i-bont etholwa eendaweni ezinganambethe zeSewula Africa, i-heartwater bulwelwe obuyingozi. Amatjhwayaso kubalwa umgomani (ukutjhisa ngaphezu kwe-40℃), ukujikisa ihloso ngendlela engakajwayeleki, ukuphuma amagwebu ngomlomo kanye neempumulo kanye nokungakhambi kuhle kwama-nerves ekufana nokukhambela phezulu kanye nokuraga.Yelaphe khonokho nge-oxytetracycline ehlala iskhathi eside ukhandele i-heartwater ngokuyigomela.

Coccidiosis

I-Coccidiosis bulwelwe bamaputwana kanye nezimvu begodu buvamise ukubangwa zimbaya ezisilaphazekileko. Ubulwelobu butholwa emanyorweni begodu bubanga amarhudo amanzi, ukuphelelwa mamanzi kanye nokungafuni ukudla. Hlukanisa zoke iinlwane emhlambini ulaphe i- coccidiosis ngomtjhoga olungileko njengokulayelwa ngudorhodere weenlwane

Ukwelapha ukuphelelwa mamanzi hlanganisa ihafu yetelebhula letswayi kanye namatelebhula ayi-6 weswigiri elitheni yamanzi afuthumeleko. Ziphe i-250 - 500 ml kane ngelanga amalanga amathathu.

Roundworms

Imbuzi zingathola i-roundworm lokha nazidla utjani. Amatjhwayo wayo kulokha imbuzi ivuvuke umhlathi wangaphasi, kanye nalokha kwangaphakathi kwamehlo kumhlophe. Sebenzisa itjhadi le-FAMACHA© ukuqala bona ngisiphi isilwane esitlhoga ukwelatjhwa ngokuya ngokwe leveli yobumhlophe be- mucous membrane yazo.Ukurhuda kungenzeka kodwana akukafaneli kuhlanganiswe namanye amalwelwe.

Tapeworms

Ibonwa ngembungwana ezimhlophe ebulongweni, ama-tapeworms abamba ubujamo bembuzi kodwana akasiyingozi njenge-roundworm. Khetha umtjhoga wembungu ozokwelapha ama-round kanye nama-tapeworms.

Liver Fluke

I-Liver fluke sibungu esisipara esakheke njengekari esitholakala enyongweni yesilwane. Amatjhwayo waso kokobana imbuzi ivuvuke intambo, ibe ne-mucous membrane esamlotha inciphe nangomzimba. Ipilo yepharasayidi elingaphakathi kwembuzeli ifaka hlangana amadlelo amanzi kanye neminye iminenke. Faka ifentji eendaweni ezimanzi begodu welapha iimbuzi ngomtjhoga otlolisiweko.
Tjheja ilwazeli: Lenzelwe ukufundisa kwaphela kanye nelwazi kwaphela begodu akukafaneli lisetjenziselwa ukwelapha. Ilwazeli alikenziwa ngomcopho wokujamisela iinluleko zokwelapha nanyana ukwelapha okunikelwa ngudorhodere weenlwana.

Translated by Lizzy Shongwe