Serrated Hinged Terrapin
Skulprand-skarnierwaterskilpad
Naam
Skulprand-skarnierwaterskilpad (Pelusios sinuatus)
Klas
Reptilia (Reptiele)
Orde
Tsetudines (Skilpaaie)
Familie
Pelomedusidae
Lengte
Beide geslagte: 300 – 400 mm
Beskrywing
Die skulprand-skarnierwaterskilpad is die grootste van die skarnierdop-waterskilpaaie. Die karapaks (rugskild) en brug is eenvormig swart van kleur. Die plastron (borsplaat) is geel gesentreerd met ’n skerp omskrewe, swart, hoekpatroon om die rand. Die vel van die nek en ledemate is ’n ligte olyfgrys.
Verspreiding
Die skulprand-skarnierwaterskilpad word in tropiese Afrika, langs die Zambezirivier tot by die Victoria Waterval en suid na KwaZulu-Natal toe gevind.
Voortplanting
Die wyfie lê 7 tot 25 eiers, tot 500 m van die naaste water af, in Oktober tot Januarie en die eiers broei in Maart tot April uit.
Veldnotas
As die skulprand-skarnierwaterskilpad bedreig voel skei dit ’n onwelriekende reuk af.
