Kuyintfo lenhle kutsi utishiye emantini ngesikhatsi ungakahlanyeli. Titsatfwa kancane kancane letihlahla natiyohlanyelwa letinye tisale emantini. Ngabe letimphandze tindze kakhulu ungatinciphisa kancane. Timbobo kufanele tishobele ngema centimetsa langemashumi lamatsatfu nangebudze lomhlabatsi kufanele ubemanti. Nangabe kudzingeka ungasebentisa ifologo kutsi timphandze tikhone kuhamba kahle.
Umcuba kufanele ufakwe kuloyo mgodzi kuze kwente umhlaba uvundze. Letihlahla kufanele tihlanyelwe timphandze tibheke phansi tindlaleke. Timphandze atifanele tibheke ndzawo yinye.
Lomgodzi nawugcwele wafika phakatsi nendzawo bese ugcwalisa ngemhlabatsi kuvalwe kahle. Emuva kwekuhlanyelwa kufanele kuniselwe kahle kuze timphandze tivaleke kahle.
Translated by Thandokuhle Motha