Ka tlwaelo meterebe e bjetšwe go ya mafelelong a marega kgweding ya Mosegamane le ka Phato. Ka mafelong go ka hlagago tšhwaane ya ka morago goba ge mabu a kolobile kudu ka morago ga dipula tša marega, e swanetše go bjalwa ka morago. Ge go kgonega, dipala le mathale a tshepedišo ya thekgo ya dibjalo e swanetše go ba e šetše e hlomilwe. Meterebe e kgoboketšwa go tšwa go mobjadi ka nako ye e itšego gomme e swanetše go bewa e fodile le go thibela monola gore o ome. E ka bewa ka fase ga sehlaba se monola ka moriting wa moago goba yuniting ya go tonya. Go bohlokwa kudu gore meterebe e swarwe ga botse pele ga pšalo.
Ke mokgwa wo mobotse wa go tlogela meterebe letšatši ka meetseng go direla gore o mone monola pele ga ge o bjalwa. Bokakang bja meterebe bjo bo fokoditšwego bo a tšewa ya išwa jarateng ya meterebe ye e tlogo bjalwa ge tše dingwe ka moka di bolokwa ka fase ga maemo a monola goba ka meetseng. Ge medu le mahlogedi a le matelele kudu, di dirwa kopana ga nnyane. Mašoba a go bjala e ka ba 30 x 30 cm bophara le ye e sego ka fase ga 30 cm go ya fase ka go epela mabung o o bokaone o be le monola le go ba wa go lemollwa. Ge go nyakega, mafelo a a kitlanego a ka ba a lemollwa ka foroko go tšwetša pele go tsenelela ga medu.
Boleng bjo bo botse bja diteng tša sebjalo se se nontšhweng ka maleba ka mutedi goba mmutedi e tsentšhwa ka moleteng go oketšwa diteng tša dibolang tša mabu le go hloma dimaekropo mabung. Meterebe e swanetše go bjalwa ka swarano ya go pumiwa ya go ka ba 5 cm ka godimo ga lefase le medu e lebeletše fase goome e adilwe. Medu ga e a swanela go lebelela ka tseleng e tee - se se bitšwago j-medu.
Ka morago ga se, Molete wa go bjala o swanetše go tlatšwa go ya ka seripa sa wa mabu a lemotšwego le go tampiwa ga bonolo, gomme wa tlatšwa le tampiwa gape ka bonolo. Ka morago ga ge ba o bjetše meterebe, e swanetše ya nosetšwa ka go lekanego gore mabu a kgone go tswalela medu ka tshwanelo.
Translated by Lawrence Ndou