Small-Spotted Genet
Ipaka yomango encani

© Nigel Dennis

Igama

Ipaka yomango encani begodu yaziwa njenga leyo ejayelekileko [Genetta genetta].

Ukwakheka nokuvela kwayo

Ipaka le (small-spotted genet) isilwanee sincani khulu kunaleyo ebizwa nge-Large-Spotted Genet, begodu amabalayo abonakala khudlwana ngombala onzima nomhlophe begodu yona ayinawo amabala abonakala kwanga arusile. Umsilayo umhlophe encenyeni yesiphetho sawo, begodu lokho ngikho ekuyenza bona ihluke kileyo engekulu i-Large-Spotted Genet.

Umbala womzimbayo woke ubonakala kwanga unombala omhlophe okusilaphazekileko, amacatjhaza ahlezi ngokuhleka komuda ukusuka ehloko ukuyokufika emsileni. Inomdlengo ogega ngomgogodlha omaboya amade anzima ngombala. Inamacatjhaza amhlophe ebusweni ngaphasi kwamehlo, begodu akabonakali khulu emlonyeni kanye nepandla. Zinemisila emide enemida enzima nokumhlophe, kanye namazipho abonakala nofana enza umtlhala.

Ukudla

Zivamise ukudla khulu iinlwanyana zomhlobo omunyisako ezincani kanye neenunwana. Abomaphelphelani, iinyoni, iinlwanyana ezirhurhubako, iirhwarhwa, iinmbhadwa, abofezela, kanye namasongololo zibalwa hlangana nokhunye ezikudlako. Nokho lomhlobo uvame ukudla iinthelo kancani kunaloyo omkhulu.

Ukuzala nokukhulisa

Zivamise ukuzala amaphahla amabili ngonyaka nofana amadzinyana amabili ukuya kamathathu, ngemva kwesikhathi sekambiso yokumitha esimalanga amasumi alikhomba ukuya kamasumi alikhomba nekhomba (70-77 days).

Amehlo kanye neendlebe zamadzinyana zivuleka kokuthoma ngemva kwamalanga amahlanu ukuya kalisumi nobunane. Amazinyo amade avela enyangeni yokuthoma azelwe. Amadzinyana avamise ukudla, ukudla okuqinileko ngemva kweemveke ezimbalwa azelwe,
Kodwana aragele phambili nokumunya iinyanga ezimbalwa.

Ukuziphatha

Pheze nazo ziphila ngayinye kodwana zibonakala zikhamba ngambili khulukhulu ngesikhathi sokujarha. Zizwana nokuhlala eendaweni zamahlathi omileko kodwana kuye kwenzeke zitholakale magega nemilambo. Emini zizwana nokuzilalela emithini, kodwana yaziwa khulu ngokutholakala emigodini ephasi ehlabathini kanye nemadwaleni. Nokho ayihlali khulu emithini njengo mhlobo omkhuluwayo (Large-Spotted Genet).

Lapho zitholakala khona

Nanyana umhlobo lo ubonakala kwanga wande khulu eendaweni zeSewula ye-Afrika, nokho ihlukahlukene naleyo etholakala njengayo eemphandeni ezomileko nofana eendaweni zeSewula ye-Afrika. Ayitholakali etjingalanga yelwandle leNamibia, elwandle elisetjhingalanga kanye nesewula tjhingalanga yeSewula Afrika.

Ibuthelelolwazi ngomangwazo

Iinlwanezi zivamise ukubangendlela yeenlwanizekhaya khulu, eendaweni ezifana nama-safari lodges lapho zaziwa ngokukhwela ematafuleni ngesikhathi sokudla bese zebe ukudlokho nofana zikuwise etafuleni.