Flap-neck Chameleon
Flapnek-verkleurmannetjie
Naam
Flapnek-verkleurmannetjie [Chamaeleo dilepis]
Bevolkingstatistiek
Klas - Reptilia
Orde - Squamata
Familie - Chamaeleonidae
Subspesies - ‘n Aantal subspesies is beskryf binne die verspreidingsgebied.
Lengte_V - 120 _ 140 mm
Lengte_M - 120_140 mm
Beskrywing
Die flapnek-verkleurmannetjie is ‘n groot verkleurmannetjie met ‘n aaneenlopende kam van wit, driehoekvormige knoppies op die keel en pens. Kleurpatroon varieer van liggeel deur groen skakerings tot bruin. Die penskam is wit en daar is gewoonlik ‘n ligte streep langs die sye.
Verspreiding
Kom voor in tropiese Afrika, suidwaarts tot by KwaZulu-Natal, Mpumalanga, noordelike provinsies, noord- en oostelike Botswana tot by die Noord-Kaap en noordelike Namibië.
Voortplanting
Die ontwikkeling van eiers duur 3 tot 4 maande. Die wyfie raak diklywig van 25 tot 50 eiers wat sy in die somer lê. In die natuur mag eiers tot 377 dae neem om uit te broei.
Dieet
Die flapnek-verkleurmannetjie vreet insekte, veral sprinkane en kewers.
Veldaantekeninge
Dis relatief maklik om tussen mannetjies en wyfies te onderskei omdat die mannetjies breër is by die basis van die stert en ook ‘n spoor het aan die agterkant van elke agterpoot.
