Verreaux's Eagle Owl
Gwitha Luvhimba
Zwiḽiwa
Ndi Tshiṋoṋi tsho no ḽa zwikukwana nahone tshi funesa mivhuḓa. Tshi vhonalesa nga maḓautsha kana ḽi tshi kovhela. ḽi ḽa na mapfeṋe na nguluvhe ḓaka.
Nzwalelo
Zwi kudzela ubva nga ǹwedzi wa Ṱhafamuhwe (March) u swikela nga ǹwedzi wa Khubvumedzi (September).
Vhuḓifari
Ndi tshiṋoṋi tshi no funesa u dzula tshithoṱhe kana zwizwinzhi. Zwi wanalesa vhukovhela ha KwaZulu-Natal. Zwi funesa u dzula kha miri I re tsini na milindi ya mabunga kana I re maḓini. Muungo Gwitha Luvhimba ndi muhulu u lila u tshi “hryu hryu hoo”. Gwitha iḽo ḽi zwima nga masiari, tsha awela mirini mihulwane I re na swiswi kana murunzi muhulu.
Vhudzulo
Thivhagolo ndi tshiṋoṋi tsho no wanalesa maḓakani kana fhethu hu re na miri minzhi. Fhethu hu ne ha vha na madanda na ṱhavhelani hanefho maḓakani.
Mbonelo yatsho
Gwitha Luvhimba ndi ḽone ḽihulwanesa kha oṱhe shangoni, ḽi vhonalesa vhuhulwane haḽo nga tshivhumbeo na nga maphapha mahuluhulu aḽo. nga muvhala ḽi vha ḽi Seṱha yo tshenuluwaho. Nga nṱha ha ṱhoho ḽaḽo na nga fhasi hu na vhutswu. Khofheni ho tshenuluwa ha taledzelwa nga vhutswu havhuḓi nga matungo. U kule maṱo ahone avha a matswu matswu. ḽi fanesa na Gwitha ḽa ṋdevhe ndapfu. Ṱhoho na yone ndi seṱha, mulomo wo denyefhala, maṱo ndi ṱada. Ṋdevhe dza hone dzinga dzi khou ḓela tsini na maṱo. milenzhe ndi mihulu nahone yo khwaṱa tshoṱhe na ṋala ndi ndenya.
U wanala haḽo
Gwitha ḽiseṱha ḽi wanala shangoni ḽa Botswana na Zimbabwe, na Namibia, na Mozambique na vhukovhela ha Afrika Tshipembe.
