Verreaux's Eagle Owl
Ukwakheka nokuvela kwaso
Ikhozi elisikhova esibizwa nge-Giant Eagle Owl ngesikhulu kunawo woke emhlabeni zombelele. Njengombana kusikhova esikhulu kunazo zoke nje, ubukhulu baso bubonakala lokha nasilula amaphikwazo nofana ngobude bamaphikwaso. Zinombala omlotha okukhanyako, umbala onzima okuthunyathunyileko emhlana nangaphasi kodwana azinawo amabala amakhulu. Ubuso baso bumthuthu, bunemida ebanzi nenzima, amehlo abonakala kwanga anzima nawuwaqale ukude, kanye neemvalo zawo ezibukhobe, begodu lokho kwenza bona zihlukaniseke lula. Zifana khulu nesikhova esibizwa nge-Long Eagle Owl. Isikhovesi sinombala ofana nowehlabathi encenyeni yomzimba ephasi kanye nemida yamabala azotho nofana amlotha. Sinehloko emlotha kanye nomlomo oqinileko, kanye namehlo amakhulu anombala welamuna nofana asarulana, magega namehlo kuneenhlutjhwana ezehla namehlo. Zineenyawo ezinamadla kanye namazipho aqinileko tle.
Ukudla
Ziphila ngokudla iinyoni ezivamise ukuzunyelwa umdlalo nofana ukudla ezifana neentarantara kanye neenlwanyana ezincani zomhlobo omunyisako, ezifaka hlangana imiqasa. Zivamise ukubonwa khulu nakurhwaqelako nalokha kuzokusa ekuseni, ngaphandle kobukhulu bazo zibonakala nangeemvalo zamehlo zombala obukhobe. Zaziwa ngokuba nemihlobo eminengi khulu yokudla, begodu kukhe kwagadangiswa lapho zibulele khona igkhabu (Vervel Mankey) kanye neenyoni ezibizwa nge-Secretary birds, kodwana ziphila ngokudla khulu ngabogubudu nabakhona.
Ukuhlangana neliduna nokubekela
Zivamise ukuhlangana neduna nofana ukubekelisana ukusuka phakathi kenyanga kaNtaka ukuya kuKhukhulamungu, zibekela amaqanda amabili begodu zombili eduna nesikazi ziwafukamela amalanga bekabe masumi amathathu nethoba.
Ukuziphatha
Zivamise ukutholakala zikhamba ngesinye nofana ngomhlambi begodu zitholakala khulu eendaweni zeTlhagwini yaKwaZulu-Natal. Zivamise ukutholakala zihlala emdeni yemirhoba emithathu kanye nalapho kugijima khona amanzi. Isililo sazo sizwakalela phasi begodu sibanzi, sithi: hryu hryu hooo. Azikavamisi ukuzuma emini, kodwana zilala emithini emikhulu, khulukulu lapho kunomthunzi omkhulu khona.
Indawo yokuhlala
Zihlala emahlathini we-savanna kanye nemideni nofana magega nemirhoba yamanzi agijimako.
Lapho zitholakala khona
Zitholakala enarheni ye-Botswana, Zimbabwe, Namibia, Mozambique kanye netlhagwini yeSewula Afrika.
