Verreaux's Eagle Owl
Leribiši la Ntšhu
Ponalo
Leribiši la Ntšhu ke le legolo go feta maribiši kamoka mo lefaseng. Bjalo ka ge e lego legolo go maribiši kamoka Leribiši la Ntšhu le ka lemogwa bonolo ka bogolo bja yona le botelele bja maphego. Di boputšwa bja seetša ka mmala, e na boso bja go nna gobotse ka godimo le fase eupša ga e na lebala la go fifala. Sefahlego se mmala wa seetša, sa boso bjo maatla ka mahlakoreng, mahlo a bonala a le a maso ge o le kgole gomme a na le dintšhi tša mmala wa bo pinki wa go ikgetha, seo se dirago gore di bonale bonolo. Le swana kudu le Ntšhu ya ditsebe tše di telele. Leribiši la Ntšhu le mmala wa seetša wa mohlaba ka fase le mebala ya botsothwa bja go fifala goba boputswa. Hlogo e mmala o boputswa ke ye koto le molomo o maatla le mahlo a mmala wa namune le serolane le ditsebe tše pedi tša go ba le mafofa a go leteletšana mo mahlong. Di na le maoto a kgoparara a maatla le dinala.
Phepo
Gantšhi e ja dijo dinonyana tša ka ditšhireletšong go swana le Kgaka le diamuši tše nnyane tša go swana le mmutlawa scrub ke mmamoratwa wa yona. Gantšhi di bonwa ge letšatši le tšwa goba ka phirimane ka thoko ga bogolo bja yona bja mmele di bonala bonolo ka dintšhi tše pinki tša ka godimo. Di na le dijo tša go fapana gomme go ngwetšwe ge di kgona go bolaya diamuši tša bogolo bja Ditšhwene tša Vervet le dinonyana tša go swana le Nonyna ya Mongwaledi, eupša di gantšhi di ja dipela ge di lego gona.
Pelegišo
Di belegiša go tšwa dikgweding tša Hlakola go Lewedi, gomme di beela mae a mabedi gantšhi, e bile batswadi ka bobedi ba elama go fihla go matšatši a 39.
Boitshwaro
Gantšhi di hwetšwa ka bo noši goba ka bobedi gantšhi go tšwa KwaZulu-Natal Borwa. O tla di hwetšwa di dula ka mehlareng ye e lego meleng ya keloboelatšhila le mo go sepelago meets gona. Boipiletšo bja tšona ke go bitšana ka modumo wa lenaka go swana le la koloi o makgwakgwa wa gore hryu hryu hooo. Ga di nke di tsoma mosegare ebile nna mo dihlageng tše mehlareng ye kgopara, kudukudu ka moriting.
Mafelo a bodulo
Mašoka le mo go tletšego mehlare, mehlareng ye thokong ga mela ya meetse.
Moo ba hwetšwago
Di hwetšwa ka Botswana, Zimbabwe, Namibia, Mozambique le Lebowa la Afrika Borwa.
