Verreaux's Eagle Owl
Reuse Ooruil
Naam
Verreaux’s Reuse Ooruil [Bubo lacteus]
Voorkoms
Die Verreaux’s reuse ooruil is die grootste uil ter wêreld. As die grootste van al die uile, word die Verreaux’s reuse ooruil maklik herken aan sy groot gestalte en vlerkspan. Hulle is liggrys van kleur, fyn swart gestreep bo en onder, maar geen groot vlekke nie. Die gesig is bleek en duidelik swart omring; oë lyk swart op 'n afstand en hulle het kenmerkende pienk ooglede wat hulle baie identifiseerbaar maak. Baie soortgelyk aan 'n groot langooruil. Die reuse ooruil is lig-sandkleurig aan die onderkant met donkerbruin of grys strepe. Gryserige kop met 'n groot, kragtige snawel en groot oranje of geel oë en twee oor “klosse” wat vanaf die oë strek. Hulle het groot kragtige pote en kloue.
Dieet
Hulle vreet hoofsaaklik wilde voëls soos tarentale en klein soogdiertjies soos hase is 'n gunsteling. Hulle word gewoonlik met dagbreek of teen skemer gesien en afgesien van hul grootte, word hulle maklik herken aan hul pienk boonste ooglede. Hulle het 'n baie gevarieerde dieet en daar is al aangeteken dat hulle soogdiere die grootte van blouape en voëls soos sekretarisvoëls doodmaak, maar hulle vreet hoofsaaklik krimpvarkies wanneer hulle beskikbaar is.
Voortplanting
Hulle sal van Maart tot September broei. Twee eiers word gewoonlik gelê en albei ouers broei vir tot 39 dae.
Gedrag
Hulle word gewoonlik alleen of in pare gevind en kom hoofsaaklik vanaf KwaZulu-Natal noordwaarts voor. Hulle hou van droë, breëblaarboswêreld, doringveld en rivierbos. Hul roep 'n is ‘n diep, growwe hryu hryu hooo. Hulle jag selde gedurende die dag en slaap in groter bome, verkieslik in die skaduwee.
Habitat
Bos-, savanne- en boomryke rivierbos.
Waar hulle voorkom
Hulle word in Botswana, Zimbabwe, Namibië, Mosambiek en noordelike Suid-Afrika aangetref.
