Verreaux's Eagle Owl
Ingculunngculu yesahhukulu
Kutiveta kwaso
Lesidlakela se Ngculungculu yesahhukulu ngisona sisikhulu mhlaba wonkhe. Njengoba sisikhulu kunatotonkhe tahhukulu lengculungculu yesahhukulu isheshe ibonakale ngenca yebukhulu bayo kanye netimphiko. Tinelibala lelimphunga lohhwabile, tibenalokumnyamana ngetulu nangephansi kepha kute libala lelicinile. Lobuso baso buhhwabahhwabile, buvetwa bumnyama, emehlo abonakala amnyama nawukhashane aphindze abenelibala lelipinki leligcamile etinkhopheni,lokutenta tibonakale malula. Kufanana nesahhukulu setindlebe letindze. Lengculungculu yesahhukulu inelibala lelinsundvu lohhwabile ngaphansi kanye nemibadlana lensundvu lotopele noma lomphunga. Inhloko imphunga kanye nemlomo lonemandla futsi lomkhulu loluphuti noma mtfubi emehlweni noma etindlebeni totimbili kuchubekela ngasemehlweni. Tinetinyawo letinkhulu letinemandla kanye netinyama.
Kudla Kwato
Idla kakhulu tinyoni letigciniwe letifaka ema Guinea fowl kanye netilwane letincane letifaka ema scrub hares ngutona titsandvwa. Tivama kubonwa ebusuki kuya entsatsa kusa phindze tingekho ngetinombolo tato letinkhulu letivama kubonakala ngato nangetinkhophe tato letipinki ngetulu kwemehlo. Tinekudla kwato lokuhlukene lokwabhalwa phansi tibulala tilw ane letinkhulu njenge Ngobiyane ye Vervet kanye netinyoni letibomabhalane, kepha tidla kakhulu ema hedgehogs uma akhona.
Kwakhiwa
Tihlangana etinyangeni tendlovu lenkhulu kuya enyangeni yeNyoni, itala emacandza lamabili bese batali bobabili bafulela emalanga lamashumi lamatsatfu nemfica.
Kutiphatsa kwaso
Tivame kutfolwa titodvwa noma ngatimbili ikakhulu kusuka eKwaZulu Natal etulu. Titfolwa tihlala etihlahleni tishaye lilayini lapho kuphumela khona emangcoliso nalapho kunemanti khona. Kukhala kwato kunelive lelikhulu kukhala kwehoot hryuhryuhooo. Atikavami kutingela ngetikhatsi tasemini bese tiphumula etihlahleni letinkhulu, tinconota lapho kunemtfunti khona.
Indzawo
Emahlatsini, etigangeni kanye nasetihlahleni letimengelilayini lapho kunemanti khona.
Lapho titfolwa khona
Titfolwa eBotswana, Zimbabwe, Namibia, Mozambique kanye naseningizimu ye Ningizimu Afrika.
