Dzina ḽa tshisaitsi: Apium graveolens
Dzina ḽo ḓoweleyaho: Celery, Soup celery or celeriac
U Ṱalusa Tshimela
I wela kha muṱa wa Celery Apiaceae ina vhushaka na parsley, parsnips, coriander na carrots. Ibva kha dzingu ḽa Mediterranean. Ndi muri une wa mela wa ima fhedzi arali u tshi khou bveledzwa kha maraga une wa fanela uvha u mutete u ya ṱavhiwa wa kaṋiwa nga khalanwaha. Tshimela tshimela kha mathomo a muri kana kha mbilu ya mavu kha matavhi hune tshimela tsha fhedza tsho ita ḓaka kana maṱari a vhuḓi matete.Petioles kana stalks zwa maṱari ndi hone tshikoni hune ha bva hone celery. Tshimela hetshi tshi kaṋiwa kanzhi tsho no lapfa 40 uya kha 50 cm. Kanzhi tshi bveledza maluvha na mbeu nga nwaha wa vhuvhili.
Mushumo
U shuma ufha muthetshelo kha sobo kana stew. Unga iḽa na musi yo tou ralo na kha salad kana yo bikiwa sa muroho. Tshimela hetshi tshi na dzi vitamin nnzhi na dzi mineral ya dovha ya vha fhasi kha carbohydrates. Iya vha yo itwa kanzhi nga dzi fibre na maḓi i funiwa nga maanḓa nga vhathu vhane vha vha vha tshi khou ṱoḓa u fhungudza muvhili.Mbeu ya celery dzi ya shumiswa na kha muṋo dzi vha dzi na mapfura dzi ya shuma na kha u ita dzi perfum na kha mushonga dzine dza thusa na kha perfume na u kona u kwashekanya dzi uric acid kha malofha kha u lafha gout, arthritis na rheumatism.
Zwine Mavu Aṱoḓa Zwone Na U Lugisela
I funa mavu ane avha uri ndi avhuḓi o limiwa, mavu masekene ane avha na muṱavha na manyoro avhuḓi uri hu thabe na pfushi. I ṱoḓa PH ine ya vha vhukati ha 6.0 uya kha 6.5.Vhege dza rathi u saathu ṱavha, u fanela u lima hune wa khou ḓo ṱavhela hone zwine zwa swika 500 mm. Nga hetshi tshifhinga lime u nga i shela arali i tshi khou ṱoḓea na manyoro,gypsum na superphosphates. Arali ho no ṱavhiwa zwimela zwine zwa vha uri ndi zwa u tika tshimela tshihulwane, hezwi zwi ya fhungudzwa zwa ṱavhiwa kha mavu nga tshifhinga tshithihi.
Vhege nnthihi nga murahu ha musi u saathu ṱavha, u fanela u lima nga dzembe zwa lingana wa lugisa fhethu. Hezwi zwithusa na kha u pandela tsheṋe. Dzi ndunduma dza u ṱavhela dzi fanela uvha dzo kuna kana nnṱha ha mavu ane avha uri a khou do ṱavhelwa hone hu fanela uvha ho kuna vhukuma.
Mutsho
I funa mutsho une wa vha uri wo dzika ahuna murotholo wo kalulaho hune havha na mufhiso une wa vha vhukati ha 15°C uya kha 24°C. Arali ha vha na mufhiso wo kalulaho wa u fhisa une wa vha vhukati ha 25°C musi i tshi khou hula zwiita uri celery i vhavhe.Tshaka
Dzinwe dzine dza ḓivhea ndi Utah, Golden Pascal, Stetham na Peppermint.
Translated by Khalirendwe Nekhavhambe