Vito ra ntolovelo: Soup celery kumbe celeriac
Nhlamuselo Ya Ximilani
Celery yiwela eka ndyangu wa Apiaceae naswona yina vuxaka na parsley, parsnips, coriander nati carrots. Yi tumbuluke e tindzhawini ta Mediterranean. Lexi i ximilani lexivaka konamalembe hinkwawo kambe kuva xihumelrisiwa xiri furexe xifanele ku byariwa naku tshoveriwa lembe rinwana na rinwana. Ximilani lexi xikula kusuka e hansi kumbe eka mbilu ya misava xiva na tinhu laha ekuheteleleni xiva na matluka ya kahle.Tinhu takona ta matluka hiswona leswi dyiwaka eka ximilani xa celery. Swimilani swa celery switala kutshoveriwa loko swiri eka 40 kuya eka 50 cm hi ku leha. Timintsu ta ximilani xa celery tina ti taproot letingana fibre yakahle ehenhlakuya kwalomuya ka 20 cm ehansi ka misava. Xitala kuhumesa mabilomu na mbewu eka lembe ravumbirhi.
Switirhisiwa
Celery yitala kutirhisiwa ku tisa nantswo eka tisupu na stew. Yitlhela yidyiwa yitetano eka tisaladi kumbe yi swekiwe tani hi matsavu. Ximilani xa celery axina ti vitamin totala kumbe swakudya naswona xile hansi hiti carbohydrates. Xitala kuva xi endliwe hi fibre na mati hikwalaho xitsakeriwa ngopfu hi vanhu lava lavaka ku hunguta miri.Mbewu ya celery ya kandziwa kutani yitirhisiwa eka munyu naswona yina mafurha lawa tirhisiwaka eka perfume kumbe tani hi murhi, lawa ya pfunaka kutshovelela uric acid engatini ku tshungula gout, arthritis na rheumatism.
Swilaveko Na Ndzulamiso Wa Misava
Celery yi kula kahle eka misava leyi tswongaka kahle mati, misava ya sandy loam leyingana swakudya sworinganela eka ndzhongo naku khoma swakudya.Yi lava misava leyingana acid na pH ya 6.0 to 6.5. 6 wa mavhiki loko kunga se byariwa, rima u fayelela maguvadi kwalomu ka 500mm. Hinkarhi lowu chela lime leyi lavekaka xikan’we na manyoro, gypsum nati superphosphates. Loko kuri na swimilani swa rihlaza swo engetelela leswi aswi byariwile, switsemi kutani uswirimela emisaveni hinkarhi walowo.
Vhiki rin’we loko kungase byariwa celery, rima misava kutani u harika ku lulamisela ndzhawu yoleyo. Leswi swisusa nhova leyinga vaka yiri kona. Ti seed beds tifanele ku basisiwa kutani misava yi fayeleriwa maguvadi naku susiwa ka nhova leyinga sivelaka kukula ka swimilani.
Maxelo
Celery yi lava maxelo lawa yanga hola laha kungariki na gwitsi na mahiselo lawa yanga exikarhi ka 15°C kuya eka 24°C. Loko kuri na minkarhi yoleha swinene ya mahiselo yale henhla ka 25°C hinkarhi wo byala swiendla leswaku celery yi dzunga ngopfu nakuva na fibre.Swibyariwa
Swibyariwa swinwana swa ndhuma i Utah, Golden Pascal, Stetham na Peppermint.
Translated by Ike Ngobeni