Switirhisiwa Leswi Fambelanaka na Tinyoxi Tani hi Murhi

Apitherapy i kutirhisiwa ka switirhisiwa swa tinyoxi kuva kutshunguriwa xikan’we naku siveriwa ka mavabyi. Kuya hiva American Apitherapy Society, switirhisiwa leswi fambelanaka na tinyoxi swikatsa vulombe, pollen, propolis, royal jelly na vuxungu bya tinyoxi.

Pollen Tani hi Nseketelo wa Vanhu

Ku tirhisiwa ka pollen tani hi nseketelo wa rihanyo ra vanhu xikan’we na swikongomelo swa vutshunguri leswi tikaka swinene. Pollen ya tinyoxi yikumeka eka switolo swa swakudya swa rihanyo leyi hlengeletiweke hi vahlayisi va tinyoxi hiku tirhisa pollen trap. Lexi xi halela pollen e milengeni ya tinyoxi loko tinyoxi tinghena e bakweni ratona. Leswi swiendla leswaku nhlayo ya pollen yi hunguteka kuva tinyoxi tiphamela vana vatona.

Vulavisisi byintsongo byi endliwile eka nkoka wa swakudya leswinga eka pollen leyinga endliwangiki nchumu kuva yitirhisiwa eka swakudya swa vanhu kumbe ku nghenisiwa eka swakudya, kuriku pollen yi tirhisiwa ngopfu hikokwalaho ka vuswikoti bya yona bya kususa kupfimba xikan’we naku pfuneta eka mavabyi ya fukuzani. Vulavisisi byale Turkey (in vitro) byi kombe leswaku pollen ya tinyoxi yina migingiriko yo lwisa ti bacteria letinga antswisaka nsirhelelo wa nhlaselo.

Va United State’s Food and Drug Administration (FDA) va hlamusele leswaku ‘pollen ayi fuwanga ngopfu hiti protein kuya hi leswi switivekisaka xiswona eka science. Xikulu lexi pollen yinga fuwa hi xona iti carbohydrates (kutlula 60%), kungari ti protein – leti hambanaka kuya hi laha pollen yikumekaka kona.’

Nkoka wa swakudya leswinga eka pollen wu tala ku hleriwa hikokwalaho ka vukona bya ti protein xikan’we nati amino acids ta nkoka. Tinxaka tin’wana ta pollen tingava titele swakudya, laha tin’wana tingavaka e hansi. Va Apis Information Resource Centre vavula leswaku loko yi pimanyisiwa na nseketelo wun’wana wofana nati pilisi tati vitamin/mineral, pollen yina nhlayo yale hansi ya swakudya leswi kutlula swakudya swa nseketelo … (naswona) aswifanelanga ku teka vundzhawu bya swakudya swa kahle na maendlelo ya rihanyo.

Ku thyakisiwa ka pollen hitinsimbhi kumbe swidlaya switsotswani naswona swingava xivilelo xikulu eka vanhu lava dyaka pollen kumbe kutirhisiwa ka leswi endliweke hi pollen.

Xinkwa xa Tinyoxi Tani hi Nseketelo eka Vanhu

Xinkwa xa tinyoxi xi endliwa hiku tirhisa pollen, nectar, ti enzymes ta mpfuvelo na vulombe. Mpfanganyiso lowu wu cheriwa eka xibye lexi pfalekeke leswaku wu vila. Loko wu vila swi fayelela ti proteins xikan’we na xitaci naswona swi endla leswaku ti vitamin ti kumeka hi xitalo. Leswihumaka kunga ‘bee bread’ swiphameriwa vana kumbe tinyoxi letintsongo tani hi swakudya leswinga tala ti protein. Xinkwa xa tinyoxi xina swakudya swohambana (naswona leswi antswisiweke) loko swipimanyisiwa na pollen leyinga endliwangiki nchumu naswona yi geyeriwa ku antswa emirini wa munhu.

Beeswax Tani hi Murhi

©Frank Mikley

Hi 400 BC Hippocrates, dokodela wa khale wa mu Greek, u tiyisisile swakahle hi beeswax kuva yi horisa mavabyi ya nhlonge. Beeswax yi tirhisiwa ngopfu tani hi murhi wa maguva lawa. Lowu humesiwaka tani hi magwaru kusuka eka tinyoxi letintsongo to tirha, beeswax yitirhisiwa eka kukatsiwa eka mimirhi yo tshungula, xikombiso, eka swotola nhlonge, xisibi, swopfala tindleve ku sivela huwa, eka vatshunguri va meno naswona swapfuneta ku lawula ku huma ngati loko ku tshunguriwa marhambu.

Royal Jelly – Fexeni ya Kahle?

Royal jelly i khuvi lerihumaka eka milomo ya tinyoxi totirha naswona yiphameriwa vana vakona na nyoxi leyi vange i queen bee.
Xitirhisiwa xikulu xaku tirhisa royal jelly hileka swotola kambe yitlhela yitirhisiwa tani hi nseketelo wa swakudya. Royal jelly yinga xavisiwa yitetano, kumbe yikatsiwile na swakudya swin’wana kufana na yoghurt kumbe yi tiyisiwile kumbe ku omisiwa.
Yina nuhelo wun’wana wa matimba, nantswo wo dzunga xikan’we na khuvi. Kuya hiku tisa vutomi byo leha naku kotisa kutswala eka nyoxi ya queen bee, kuna kutshemba leswaku royal jelly yina mbuyelo lowu fanaka nale ka vanhu. Ku tshemba loku, ehandle ka vulavisisi byotala, aku tiyisisiwangi.

Vulavisisi byo tala swa leswi kotiwaka hi royal jelly eka vanhu byi endliwile, ngopfu ngopfu e Eastern Europe, kambe vulavisisi byotala bya tika ku byi lavisisa nkoka wa science eka mbuyelo.
Hambiswiritano, swikambelo swale Japan swi antswise kukondzeleriwa ka chukele xikan’we na rihanyo ra miehleketo na kutlakuka eka ku vumbiwa ka ti red blood cells. Vulavisisi bya In vitro byi kume leswaku royal jelly yina migingiriko yati antibiotic kambe leswi swihunguteka loko yi hlayisiwa kuringana nkarhi woleha.

Propolis Tani hi Murhi

©Onésime

Propolis i glue ya tinyoxi leyi damarhelaka leyi endliweke kusuka eka glue leyi humaka eka misinya naswona yitirhisiwa endzeni ka baku leswaku ku olova, ku pfaleka timbhovo xikan’we naku sivela mavabyi. Yitlhela yitiveka tani hi 'Russian penicillin', propolis yi tirhisiwa ematikweni yotala laha ti antibiotics tinga kumekeki hi xitalo. Yina ti antioxidant, antibacterial, antiviral, anti-fungal, anti-tumour xikan’we na vuswikoti byo susa kupfimba. Yi tirhisiwa ku sivela nhlaselo hi switsongwatsongwani eka swilondza, horisa swilondza e nonweni na maxinini, yi vuyelerisa nhlonge, yi hunguta kupfimba eka misiha xikan’we naku tshungula ulcers, kuya hi vulavisisi byale Poland nale Germany. Propolis yitlhela yitirhisiwa ku horisa swilondza yitlhela yitirha tani hi khemikhali, radiation kukatsa na kutshwa.

Vuxungu bya Tinyoxi Tani hi Swisivela ku Pfimba

Vuxungu bya nyoxi ya vulombe bya dzunga, abyina muhlovo naswona i mati lawa yangana mpfanganyiso wa ti proteins leswivangaka ku pfimba nakona swi olovisa ngati.
Byi tirhisiwile kuringana malembe lawotala, byina ndhuma e China nale Eastern Europe namuntlha laha byi tirhisiwaka ngopfu eka mavabyi yo chavisa. Byinga cheriwa hiku tirhisa jekisoni kumbe byi tostiwa kunene kufana na khirimi ku hunguta ku pfimba xikan’we nale ka mavabyi yofana na arthritis, multiple sclerosis (MS), kuvava ka xisuti xikan’we na xikokola.

Vuxungu bya tinyoxi byi humesiwa hikuva kutirhisiwa gezi eka darata leyinga endzeni ka baku. Leswi swi chavisa tinyoxi leswi endlaka leswaku ti luma darata leyi, hi ndlela yoleyo hileswi vuxungu lebyi byi hlengeletisiwaka xiswona. Tinyoxi ati vaviseki hinkarhi lowu.

Disclaimer ya Swavutshunguri

Tiva leswaku: Vuxokoxoko lebyi i byo dyondzisa naswona vuxokoxoko lebyi i byaku tivisa naswona byingaka byinga tekiwi tani hi switsundzuxo swa vutshunguri. Vuxokoxoko lebyi abyi lulamelanga ku teka vundzhawu bya switsundzuxo swa vutshunguri kumbe vutshunguri lebyi phakeriwaka hi vatshunguri lava tokoteke.

Translated by Ike Ngobeni