Ndzhawu ya Richtersveld Community Conservancy

Miehleketo ya Phepha

©Shem Compion

Ndzhawu yankoka ya nhlayiso e Richtersveld hile Richtersveld Community Conservancy (RCC). Leswi swisungule tani hi miehleketo e phepheni hi lembe ra 1998 kutani yikula hiku tirhisana na maendlelo ya swikombelo swa World Heritage.
Leswi swiseketeriwe hi vapfuneti va ndzhaka votala valaha kaya na le ka matiko mambe (tani hi NORAD – Norwegian Agency for Development Cooperation, Northern Cape Department of Arts and Culture na Eco-Africa environmental consultants).
Endzhaku ka vuleteri na njhekanjhekisano, miehleketo ya ndzhawu ya nhlayiso yitiyile hikwalaho ka maendlelo yo angarhela ya Integrated Development Planning ya ndzhawu liya. Vaaki vaseketele mhaka ya ku endliwa ka ndzhawu ya ndzhaka laha switirhisiwa swa ntumbuluko na swa ndzhavuko swita sirheleriwa e hansi ka nawu lowu kondzelelekaka wa nhluvukiso.
Tindlela tohambana hambana ta vulawuri tivekona, naswona hi 2004, kuve na komiti ya vulawuri yisimekiwile laha akuri na mulawuri wa nkarhi hinkwawo na muofisiri wakona. Ntsindza wa RCC e Eksteenfontein.

Ndzhawu leyi Hlamarisaka

©David Fleminger

Hi 2005, Department ya Environmental Affairs na Tourism (DEAT) yi humese mali yoringana R6 million kupfuneta leswaku ndzhawu leyi ya nhlayiso yiva na switirhisiwa na byetlelo.
Mfumo wa xifundzha xa Northern Cape wusungule mbhurisano wa leswaku ku nyikeriwa na ndzhawu ya nhlayiso wa swifuwo leswaku wuva xiave xa ndzhawu leyi ya nhlayiso.
Namuntlha, Richtersveld Community Conservancy (RCC) i ndzhawu leyi hlamarisaka swinene. I ndzhawu ya nhlayiso leyi kongomisiweke eka nhlayiso wohambana hambana na makungu lawa yanga kona ku endla xitichi xa ndzavisiso wa sayense.
Kambe kahari ndzhawu ya nhlayiso wa xintu laha ndzhavuko wa vanhu va khale wu sirheleriwaka naku hlohletela kusungurisa eka maendlelo ya xikhale.

Tlhari leri Tlhavaka hi Matlhelo Yambirhi

Xobiha xa kona, vupfhumba i tlhari leri tlhavaka hi matlhelo ya mbirhi. Vutomi bya ndzhawu leyi ya Richtersveld Community Conservancy na Richtersveld National Park bya tsekatseka.
Sweswi byile ka nxungeto waku helela hi byasi na swin’wana swa mbango, na vupfhumba lebyinga lawuriweki leswi endlaka leswaku xiyimo xinyanya swinene. Mhaka iku, vapfhumba va (kuya hi ntumbuluko wa vona) va endla leswaku kuva na kukavanyeteka.
Mikondzo yavona yi kandziyela swimilani leswinga tiyelangiki, mimovha ya vona (loko yinga chayeriwi kahle) yinga vavisa ndzhawu leyi, xikan’we na vukona bya yona endzhawini liya ya vaaki swinga onha ndzhavuko wa xintu lowunga koka rinoko ravona kusukela ekusunguleni.
Se, hinkwaswo leswi aswi endliwa swa vupfhumba e Richtersveld swileku kunguhatiweni hi vurhonwani naku langutisisa leswaku homu ya vupfhumba leyi sengiwaka yinga dlayi vutomi lebyinga endzhawini liya.
Hi marito yan’wana, hinkwavo lava khumbekaka eka ndzhawu liya vale kutirhisaneni kun’we kutiyisisa leswaku vupfhumba na makungu ya nhluvukiso ya landzeleriwa hindlela leyingana vutihlamuleri naku hlayiseka. Naswona, endzhaku ka kuburisana na vanhu van’wana lava khumbekaka eka ntirho lowu, ndzina ntshembo leswaku vata humelela eka mintirho yavona leyinene.

Translated by Ike Ngobeni