Swikoweto
Swikoweto aswikongomi ngopfu naswona swingaku kanganyisa na mavabyi yan’wana, lero swilava kuya tiyisisiwa e laboratory. Mavabyi lawa ya vanga high fever kukatsa na rifu ra xihatla. Van’wamapurasi kuya hi nawu vafanele ku vika nhlaselo lowu eka madokodela ya swifuwo ya mfumu kumbe animal health technician, loyi angata endla vulavisisi kutani a teka swikombiso kuya swilavisisa e laboratory.Swikoweto swaleswaku nguluve yingava yikhomiwile hi mavabyi swiva kona endzhaku ka 5 kuya eka 9 wa masiku endzhaku ka kuvonaka ka mavabyi lawa. Swikoweto leswi vonakalaka ngopfu, kuya hi tsalwa ra South African Pork Producers Organisation’s Pigs for Profit hileswi:
High fever leyi vonakaka masiku nyana endzhaku kumbe loko kunga seva na swikoweto swinwana.
Kufa ka tinguluve totala ta malembe yohambana.
Tinguluve ti fa hi xihatla, exikarhi ka siku rin’we kuya eka khume endzhaku ko vabya.
Tinguluve tinga lavi swakudya.
Ku loloha ka tinguluve, laha tishamaka tietlele minkarhi hinkwayo.
Tindleve, milenge na khwiri swicinca mihlovo kusuka eka muhlovo wotshuka kuya eka purple.
Kuhuma malanga ematihlweni kumbe thyaka etindleveni, ku hlanta, nchuluko na mpfimbelo.
Ku hefemula hiku hatlisa naku tikeriwa ku hefemula.
Ku loloha ka milenge yale ndzhaku, kutikeriwa hiku famba.
Kuvava e khwirini.
Tinguluve ta xisati letinga biha e mirini tilahlekeriwa hi ndzhwalo nkarhi wihi na wihi.
Xana Tinguluve ti Khomiwa Njhani?
Tinguluve titluleriwa hi mavabyi lawa loko ti khumbana na marha, mitsakamiso, vulongo kumbe ngati ya leti tinga hlaseriwa kumbe loko tikhumbana na vanhu, switirhisiwa, mimovha kumbe swiambalo leswinga hlangana na mavabyi lawa.African Swine Fever yinga kumeka na hi loko tinguluve ti lumiwa hi swigalani leswinga rhwala ngati leyingana mavabyi walawo.
Vutshunguri
Akuna vutshunguri. Nsawutiso wa Classical Swine Fever awuseva kona laha Afrika Dzonga naswona kuhava wa African swine fever. Loko mavabyi lawa yaza ya tiyisisiwa ku fika, tinguluve hinkawto letinga hlaseriwa naleti tingahanya kahle eka ntlhambi lowu tifanele ku herisiwa hi maendlelo lawa tivekaka tani hi “stamping out”.Van’wamapurasi ava fanelanga ku ringeta “stamping out” hi voxe, tani hileswi swilavaka ku lahliwa ko lulamela ka tinguluve leti hlaseriweke eka ndzhawu leyi hlaseriweke naku basisiwa ka matimba ka ndzhawu yoleyo. Xitsongwatsongwani lexi xinga hanya endzhawini kuringana tinhweti loko xoka xinga herisiwi kahle.
Mapurasi lawa ya khumbhekaka na switirhisiwa swivekiwa eka xiyimo xakuva xoxe kusivela kuhangalaka ka mavabyi kuya eka mapurasi ya tinguluve. Aswifanelangi leswaku tinguluve kumbe swiendliwa swi xavisiwa kumbe kuhuma eka tindzhawu letinga tshikiwa toxe kumbe ntlhambi kumbe ndzhawu leyi ehleketeleriwaka kuva yihlaseriwile.
Nsivelo
Kulaveka maendlelo ya vurhonwani ya biosecurity kusivela mintlhambi kuva yi hlanagana na mavabyi eka vanhu, switirhisiwa, mimovha, swakudya, swiambalo na tinguluve leti vabyaka. Masalela ya swakudya swale xitangeni na swale nghadeni yafanele kuswekiwa kuringana awara kutiyisisa leswaku ayana switsongwatsongwani, hambi kuri masalela yale xitangeni lawa yangana matsavu ntsena nawona yafanele ku endliwa tano hikuva yangava ya hlangane na nyama yoka yinga swekiwangi ya nguluve.E Afrika Dzonga, kuna tindzhawu leti hlamuseriwaka ta African Swine Fever ta vulawuri e Limpopo, Mpumalanga, North West nale Kwa-Zulu Natal, laha mavabyi yavaka kona eka tinguluve ta nhova minkarhi hinkwayo. Tindzhawu leti tinghenisiwa ehansi ka swipimelo swofamba famba kusivela mavabyi kuva ya hangalaka kuya eka tindzhawu letinga khumbekiki e tikweni.
Hambi leswi switsongwatsongwani leswi swinga khumbeki vanhu, nyama leyingana mavabyi lawa ayi fanelanga ku dyiwa hi vanhu. High fever xikan’we naku huma ngati swita endla leswaku nyama yinga nandzihi nakuka yinga ringanelangi ku dyiwa hi vanhu.
Translated by Ike Ngobeni