Hemp oil i mafurha lawa ya kamiwaka kusuka eka swiphemu swohambana hambana swa ximilani xa hemp naswona ya tirhisiwa eka swaku sweka, swotola nhlonge, murhi naleka swavumaki.
Hemp Seed Oil vs CBD Hemp Oil
Mbewu ya Cannabis sativa (hemp) yitirhisiwa misava hinkwayo hikokwalaho ka vukona byale henhla bya swakudya xikan’we na swipimelo leswinga konakuhunguta nhlayo ya psychoactive cannabinoid tetrahydrocannabinol (THC). E tikweni ra Canada, mpimo wakona wuleka 10 ppm per gram ya mbewu ya hemp xikan’we nale ka matiko yofana na Afrika Dzonga lawa ya landzelelaka swiletelo leswifanaka swa nhlayo ya THC eka hemp. Tiko ra USA ripfumelela 0.3 per cent ya THC eka switirhisiwa swa hemp.
Hemp seed oil yikumeka kusuka eka mbewu naswona yingava na nhlayo yati phytocannabinoids yofana na CBD. Hemp seed oil yikamiwa yikarhi yititimela leswaku kuta huma mafurha ya rihlaza lawa ya dyiwaka lawangana nantswo lowu fanaka swinene nawa ti walnuts kumbe mbewu ya sunflower.
Mafurha ya fuwile swinene hiti fatty acids tofana nati omega-6 na omega-3 xikan’we na vitamin E. Nhlayo ya omega-6 kuya eka omega-3 eka mafurha ya mbewu ya hemp yitala kuva exikarhi ka 2:1 na 3:1 leyinga kahle eka rihanyo ra munhu.
CBD hemp extract oil yi endliwe hi mabilomu, tinhu na matluka ya ximilani xa hemp. Swimilani leswi swina kuvuyerisa ka phytocannabinoids laha CBD yingana nkoka swinene. CBD yitiveka ngopfu tani hi non-psychoactive phytocannabinoid, kuriku ku kumeka yin’we yati cannabinoids eka hemp.
Xikongomelo nkulu xo tirhisa CBD hemp oil iku hlayisa ti khemikhali emirini hikuva ku pfuxeleriwa endocannabinoid system ya munhu. Mbuyelo wa mafurha ya CBD ahi kwalaho kaku ntsena kuna CBD kambe yiya emahlweni yi antswisiwa hi vukona byofana na cannabinoids leyinga e mafurheni tani hi terpenes xikan’we natin’wana ti phytochemicals. Mpfangano lowu, lowu tiyeleke kutlula CBD yiri yoxe, wutiveka tani hi ‘entourage effect’.
Switirhisiwa Swa Mafurha Ya Hemp
Hemp seed oil yi vevukile swinene kuva yitirhiseriwa kuhisa hikuva swinga onha ti fatty acids leti vuyerisaka kambe yikahle swinene eka mayonnaise, pesto kumbe tani hi dressing oil. Hemp oil yi hlayiseka kahle swinene laha ku titimelaka, naswona loko yi pfuriwile, yifanele ku tirhisiwa kungase hela tinhweti tinharhu.
Yitirhisiwa eka switolwa swa nhlonge, hemp seed oil yina ti antioxidants naswona yina matimba tani hi anti-inflammatory leyi pfunaka ku lwisana na swivati, swibundzwani, rhaxi, eczema na psoriasis. Yikahle swinene eka nhlonge leyi nyenyelaka. Vulavisisi e Finland byi komba ku antswisiwa eka eczema xikan’we na kutiyela ka misisi na min’wala eka swigulani leswi aswi tirhisia hemp seed oil masiku hinkwawo.
Ku hisiwa ravumbirhi ka mbewu ya hemp swita humesa mafurha ya buraweni. Mafurha lawa yatirhisiwa eka ti varnishes, tani hi mafurha lawa endlaka leswaku pende yi oma, xikan’we na mafurha ya timboni. Floro ya plastiki yofana na linoleum xikan’we na diesel leyingariki na khombo swiva swiendliwe hi mafurha ya mbewu ya hemp.
CBD hemp extract oil (leyi sukaka ematlukeni, mabilomu na tinhu) yinga tirhisiwa eka swiyimo swohambana hambana, kukatsa ku hlayisa nhlonge naku tshungula mavabyi yotala.
Vumbhoni byo tiya bya sayense eka vutshunguri hiku tirhisa CBD eka mafurha ya hemp iku tshungula epilepsy eka vana. CBD yitlhela yi lwisana na anxiety na insomnia xikan’we na mavabyi yotika lawa ya vavaka ya fambelanaka na inflammation.
Mafurha ya CBD ya katsiwa naleka switirhisiwa swofana na swiwitsi swati gum sweets, lollipops, pet treats nati drops, vaping oil, tinctures xikan’we nati oral sprays. Yanga totiwa eka nhlonge kumbe kunwiwa kunene.
Vulavisisi byale University of Nottingham byi fikelele leswaku swakudya swin’wani leswi ngale henhla hiti fatty acids swinga engetelela kukumeka kambirhi ka CBD eka mafurha ya hemp. Coconut, olive, soybean na sesame oil, xikan’we na hlampfi, nyama, avocado na matandza, swi pfumelela miri wa munhu kuva wu tswonga CBD yotala.
Translated by Ike Ngobeni