Gamboko, Nkungwa na Mberha

© Shem Compion
Gamboko, nkungwa na mberha i swivumbeko swa mati kumbe mpfula leyi hoxaka xandla eka ku tsakama eka tindzhawu leti rimiwaka. Hambi leswi eka xivumbeko nkulu xa mati ya vurimi, gamboko, nkungwa na mberha swi hoxa xandla eka ku endla maxelo yokarhi eka ndzhawu lawa yangavaka ya lulamerile eka swibyariwa swokarhi.

Gamboko e Afrika Dzonga

Loko riwa aka xiyimo xale hansi, kungari etintshaveni, gamboko rivakona eka tindzhawu leti anameke - pole-ward ya latitude 35°N na 35°S – xiphemu xale n’walungwini xikan’we nale dzongeni wa misava.
Afrika Dzonga i ndzhawu leyi kufumelaka naswona yile xikarhi hi latitude - n’walungwini wa 35°S – kutani leswi hiswona swi endlaka leswaku tiko hinkwaro ringavi na gamboko. Kova tintshava tale tintshaveni leti tshamelaka ku kuma gmaboko hi xixika. Gamboko leri ri vevukile naswona ri n’oka hiku hatlisa endzhaku ka kuwa. Gamboko riva kona hikwalaho ka ntlimbano na kubumbula ka mapapa ya stratiform lawa yanga tisaka mpfula yotala swinene.
Ku n’oka loku ku hetelela ku khuluka, leswi endlaka leswaku ku tatisiwa madamu xikan’we na kuyisisa ku khuluka ka milambu hi xixika eka tindzhawu letingana timpfula ta ximumu. Ku pimanyisiwa na mpfula, ku hoxa xandla ka gamboko eka kutisa mati eka mapurasi swintsongo swinene.
Ndzhawu ya Koue Bokkeveld kusuhi nale Ceres e Western Cape hiyona ndzhawu yiri yoxe ya mapurasi, leyingana swibyariwa swofana na mihandzu na mazambala, laha gamboko minkarhi nyana hi xixika eka swirhapa na tindzhawu ta swibyariwa.

Nkungwa

©Shem Compion
Nkungwa, i leyara yo bohana swinene ya mathonsi ya mati eka mbango wale hansi – hixitalo kua ehansi emisaveni. Nkungwa na gamboko switala ku vonaka hi ximumu naswona switala kuvonaka loko riya eku peleni kukondza riya xa ni mixo, kambe swahaha loko maxelo ya sungula ku hisa. Eka tindzhawu tale tintshaveni, wu voniwa eka tindzhawu tale hansi swinene.
Nkungwa wutala kuva eka tindzhawu letinga hola ta Afrika Dzonga, ngopfu ngopfu hi ximumu naswona eka tindzhawu leti holeke, ehansi ka vuxa bya tiko leri. KwaZulu-Natal Midlands i ndzhawu ya nkungwa leyi tivekaka swinena hikuva yiri exikarhi, leyi endlaka ndzhawu yo hlawuleka ya ecology exifundzheni. Nkungwa wale kusunguleni ka ximumu wu hlamuseriwa tani hi khombo eka swimilani eka ndzhawu liya ya nkungwa e KwaZulu-Natal. Tindzhawu ta nkungwa ati lulamelanga kuhumelerisiwa n’wahuva, hikuva swiri na khombo ra mavabyi ya fungi kufana na rust na ergot, leswi hanyaka kahle laha ku tsakamaka. Mavabyi lawa ya humesa swidlayi leswinga vavisaka tihomu letinga dyaka n’wahuva lowu. Hi tlhelo rin’wana, swiyimo swa tindzhawu leti ta nkungwa ti hlamuseriwa tiri kahle eka kuhumelerisa ma avocado, ximilani lexi rhandzaka ndzhawu leyi tsakamaka. Leswi endlaka leswaku ku hlawuriwa wona loko ku langhiwa swimilani leswinga byariwaka.

Mberha

©Shem Compion
Mberha i mati lawa yanga hi xivumbeko xa mathonsi lawa yakumekaka eka swilo ni mixo, hi xitalo, kambe na namadyambu. Ku hlengeletano lowu wa nkahelo wa mati wuva hi mathonsi lawa yanga eka mahiselo yokarhi, lawa ya vitaniwaka dew point. Loko tshaku riva na kuhisa kokarhi kutani tshaku rero rihunguteka kuhisa kuhava ehansi ka dew point, kuva na nkahelo kutani kuva na mberha. Ku vumbeka ka mberha swilava vusiku lebyingariki na moya, mapapa, naswona byinga pfuleka.
Mberha yi humelela eka tindzhawu tokarhi e Afrika Dzonga, hambi kuri eka tindzhawu letinga oma tofana nalaha kunga hola evupela dyambu bya ribuwa xikan’we na tindzhawu tale xikarhi ka tiko ta Afrika Dzonga.
Ku tshamela ku humelela ka mberha swi endla leswaku kuva na makhombo ya mavabyi eka swimilani swofana na mazambala, tinyawa na xipinichi. Mberha leyinga eka matluka ya swimilani, yi endla leswaku kuva na xiyimo lexinga tsakiseki xo tsakama lexivangaka mavabyi ya fungi.

Translated by Ike Ngobeni