Nhlamuselo
Cape Riesling i madiriva yakhale swinene lawa tumbulukakaka e France, kambe ya byariwa ngopfu e tikweni ra Australia na Afrika Dzonga. Laha tikweni ra Afrika Dzonga ya byariwa tani hi Crouchen Blanc hikokwalaho ka leswi ya hlanganisaka nhloko himhaka ya vito ra wona leri fanaka swinene na ra xi German ra Rhine Riesling.Ntumbuluko
FranceMavito Yan’wana
Kuna kwalomu ka vamavizweni va 25 va Cape Riesling, kambe yitlhela yitiveka tani hi Crouchen Blanc, Cruchen, Kaapse Riesling na Paarl Riesling. Ayifanelanga hi hlanganisiwa na leya xi German Weisser Riesling (leyi tivekaka tani hi Rhine Riesling) vito ra Crouchen Blanc ritsakeriwa ngopfu laha Afrika Dzonga.Vuhumelerisi e Afrika Dzonga
Ku byariwa ka yona laha Afrika Dzonga kusungule kuhlohleteriwa hi lembe ra 1926 hikokwalaho ka mihandzu leyotala leyi humaka eka wona. Kwalomu ka 270 ha laha Afrika Dzonga taha byariwe Crouchen Blanc, kambe 35ha tivuye titsuvuleriwa hi lembe ra 2016.Swibyariwa swotala swile Breedekloof (110ha) nale tindzhawini ta Paarl (79ha) laha kungana vahumelerisi vandhuma vo tani hi Theuniskraal (Tulbagh) na Van Loveren (Robertson). Masimu yak hale lawa yaha hmuelerisaka nasweswi yasungule kubyariwa hi 1962 e purasini ra Uitsig.
Ku Kula
Crouchen Blanc insinya lowunga tswaleku ngopfu hikuva wukota ku khoma kwalomu ka(10 -15t/ha) kambe wona wakula swinene nsinya lowu leswi endlaka leswaku swiolova kuwu hlayisa. Wu mila eka misava leyingale xikarhi naswona eka tindzhawu letinga hola swinene. Nhlayo ya chukele lerikumekaka loko kutshoveriwa rile xikarhi ka 20 - 22° Balling.Ku Vupfa
Madiriva ya wona ya vupfa exikarhi ka nguva, Crouchen Blanc yi tshoveriwa kwalomuya masunguleni ya March, kwalomu ka 10 wa masiku endzhaku ka Chenin Blanc.Matluka
Matluka yawona aya kulanga ngopfu, yana swiave swa ntlhanu yatlhela yava na misisi yoleha eka wona matluka lawa.Mihandzu
Crouchen Blanc yina mihandzu leyintsongo ya xirhendzevutani leyinga kumaniki na kuhisa ka dyambu. Marhavi hilawa ntsongo yatlhela ya tlhuma swinene.Switsotswana na Mavabyi
Crouchen Blanc i nsinya lowu hluphiwaka hi botrytis, oidium, downy mildew xikanwe no bola, naku tshoveleleka ka swirhabyani laha kuhumaka kona matluka himinkarhi ya mimoya ya matimba.Kutirhisiwa
Crouchen Blanc yitala kutirhisiwa swinene eka kuhumelerisa wayeni yobasa. Wayeni yakona yina vuswikoti byo kulakahle swinene loko yihumelerisiwe kahle. Leswi swifambisana naku yita tshama nkarhi wotani hikwihi e bodlheleni.Nantswo/Nuhelo
Swihlawulekisi swa wayeni leyi swifananisiwa swinene na terroir naswona swipimela swa makulelo xikombiso eka tindzhawu to hola swi endla leswaku ku huma wayeni yakahle leyingana grassy aroma, kasi lomu ku kufumelaka ku huma wayeni leyi khwaxelaka laha nkolweni.Laha kungana xiyimo xakahle xo kula, Crouchen Blanc yina vuswikoti byo humesa wayeni ya khwalithi leyingana nantswo wa mihandzu xikan’we na grassy aroma.