Taolô-Jalo ya Lephutshe le Lekaso la Hubbard
Tikoloso ya Sejalo
Dikolosa ka dijalo tse di matlhare kgotsa menawa.
Thôbô (di-tonne mo hekethareng)
E e lekaneng: 15 tonnes
E e magareng: 20 tonnes
E e siameng: 30+ tonnes
Kotulo
Kotulo e dirwa ka seatla. Tlhokomela gore o se senye leungo ka ga seno se tlile go rotloetsa pôlô. Kgaola thitô boleele jo bo ka nnang 10cm gotswa fa leungong mme o le ntshetse kwa phaposing-polokelo e e omileng kgotsa kwa motlaaganeng, kwa themphoritšhara eleng magareng ga 18°C le 20°C gore le fole mme letlalo le tie. Kotulo e ka diragala ka dibeke di le pedi goya go di le tharo mo tshimong ele nngwe.
Poloko
Fa di fodile, maphutshe le Hubbard di ka bolokwa ka pabalesego go fitlha dikgwedi di le 3 ka 10°C le bongôla jwa 60% goya go 70%. Mefuta mengwe e bolokega botoka go feta e mengwe ka jalo bona kgakololô gotswa go motlhankedi wa tsa temô wa gago le bareki. Go kotsi ebile go tlhwatlhwa-godimo go boloka setlhagiswa ka tsholofelo ya go bona tlhwatlhwa e e botoka ya thekiso. Batlhagisi ba le bantsi ba jalela mmaraka ka nako ya kotulo.
Disenyi
Aphids, Bollworm, Ladybirds, Nematodes le ntsi ya lephutshe.
Malwetse
Downey Mildew, Fruit rot, Leaf spot, Mosaic Virus, le phori.
Translated by
Nchema Rapoo
