Thôbô - Litre tsa Oli mo Heketareng ka Ngwaga
E e namatsang
Dithunya tse di omeletseng tsa Lavender: 1 tonnes
Dithunya tse di omeletseng tsa Lavandin: 3 tonnes
Oli ya Lavender: 8 litres
Oli ya Lavandin: 30 litres
Ya magareng
Dithunya tse di omeletseng tsa Lavender: 2 tonnes
Dithunya tse di omeletseng tsa Lavandin: 5 tonnes
Oli ya Lavender: 15 litres
Oli ya Lavandin: 60 litres
E e siameng
Dithunya tse di omeletseng tsa Lavender: 4 tonnes+
Dithunya tse di omeletseng tsa Lavandin: 10 tonnes+
Oli ya Lavender: 20 litres+
Oli ya Lavandin: 150 litres+
Kotulo
Kotulo ya lavender e dirwa ka seatla le ka metšhine go ikaegile ka bogolo jwa bodirelo. Mo madirelong-tlhagiso a a potlana e dirwa ka seatla mme mo go a magolo e dirwa ka metšhine.
Tlhagiso ya e e omeletseng: Mo tlhagisong ya lavender e e omisitsweng, kgetlo e ka simolola mo bonakong jwa ge go setse go na le dithunya tse di lekaneng go ka kotulwa.
Tlhagiso ya oli e e botlhokwa: Dioli tse di botlhokwa tse di gaisang di tswa mo go kotuleng le go thothiseng dithunya tsa lavender pele fela di tsena mo thunyông ka botlalo, fa dioli mo sejalong di le botlha jo bo magoletsa. Tlhagiso ka botlalo e ka solofelwa go tloga mo ngwageng wa bobedi le wa boraro.
Poloko
Oli e e botlhokwa: Dioli tse di botlhokwa tse di mo lebotlolong di ka bolokwa mo lefelong le le omileng le fifetse mme le rurufetse sebaka se se ka dirang ngwaga goya go dikgwedi di le 18 morago ga go tsenngwa mo lebotlolong. Go molemo go dirisa dibotlolo tsa galase tse di fifetseng go fokotsa kgotlhelego ya oli e e bakwang ke lesedi. Dioli tse kgologolo di simolola go latlhegelwa ke bodiragatsi jwa tsona le monkgo.
Disenyi le Malwetse
Lavender ga e na disenyi le malwetse tsa nnete ka ge monkgo o o botlha wa yona o o bogale o dira jaaka sekobo-tshenekegi. Fela, go molemo go sela morago thulaganyo ya bosireletsa-jalô e e tshitshintsweng ke motlhankedi wa tsa temô kgotsa agronomist. Morekisi wa dikhemikhale wa selegae le ene gantsi o tla nna le manaane a a matshwanedi kgotsa a ka neelana ka tshedimosetso ka ga bagakolodi ba ba gaisang ba ba leng teng gaufi le kgaolo ya tlhagisetso.
Go bola ga modi go tshwanelwa ke tlhokomelwa mme di bakwa ke mmu o o tamileng metsi mo karolong ya medi.
Translated by Nchema Rapoo