Tlhahiso - Dilitara Tsa Oli Ka Hektara Ka Selemo
Palo e tlaase
Nareda ya Senyesemane Palesa tse ommeng: Tone e 1
Palesa tse ommeng tsa Lavandin: Ditone tse 3
Oli ya Nareda ya Senyesemane: Dilitara tse 8
Oli ya Lavandin: Dilitara tse 30
Palo-hare
Nareda ya Senyesemane Palesa tse ommeng: Ditone tse 2
Palesa tse ommeng tsa Lavandin: Ditone tse 5
Oli ya Nareda ya Senyesemane: Dilitara tse 15
Oli ya Lavandin: Dilitara tse 60
Tjhai e ntle
Nareda ya Senyesemane Palesa tse ommeng: Ditone tse 4+
Palesa tse ommeng tsa Lavandin: Ditone tse 10+
Oli ya Nareda ya Senyesemane: Dilitara tse 20+
Oli ya Lavandin: Dilitara tse 150+
Kotulo
Ho kotulwa ha Nareda ho etswa ka matsoho le ka motjhini, hona ho ya ka boholo ba mosebetsi. Dibakeng tse nnyane, ho kotulwa ka letsoho athe ho tse kgolo ka metjhini.
Tlhahiso e ommeng: Bakeng sa tlhahiso ya nareda e ommeng, ho ka qalwa ka ho kutwa hang ha dipalesa tse lekaneng ho ka kotulwa di se di le teng.
Tlhahiso ya oli ya bohlokwa: Di-oli tsa bohlokwa tse boemo bo hodimo, di hlahiswa ka ho tlhotla le ho ntsha ka phofudi dipaleseng tsa nareda hang pele di thunya haholo ha di-oli tsa semela di sa na le matla mme di le bohale.
Poloko
Oli ya bohlokwa: Dibotlolo tse tshetseng oli ya bohlokwa di lokela ho bolokwa sebakeng se ommeng, se lefifi ebile se phodileng nako e etsang selemo ho ya dikgweding tse 18 kamora ho tshelwa dibotlolong. Ho molemo ho sebedisa dibotlolo tse fifetseng tsa galase ho fokotsa tshenyo ya oli ke kganya ya letsatsi. Di-oli ha e se eba tsa kgale, di lahlehelwa ke matla le monko wa tsona.
Dikokonyana Le Mafu
Ha se hangata nareda e tshwenngwang ke dikokonyana le mafu a dimela ka lebaka la monko o bohale wa yona o lelekang dikokonyana. Le ha ho le jwalo, ho bohlokwa ho ikamahanya le dikeletso tsa mohokahanyi wa tsa temo kapa setsibi sa mobu. Barekisi ba lehae ba dikhemikhale ba na le mananeo kapa ba ka fana ka lesedi jwalo ka baeletsi ba hlwahlwa ba haufi le sebaka sa tlhahiso. Ho bola ha metso ho lokela ho elwa hloko mme ho bola hona ho bakwa ke metsi a sa tlhotleheng tikolohong ya metso.
Translated by Maletsatsi Sejake