Lebitso
Samanko [Cercopithecus albogularis]Tjhadimeho
Disamanko tse tona di kgolo ho feta tse tshehadi, di kala dikilogeramo tse 7 – 9 ha tse tshehadi ki kala dikilogeramo tse 4 – 5. Mohatla o molelele ho mmele ka boraro ka mothalo.Boya bo hlohong le mahetleng o moputswa ho isa botsho. Letlalo la sefahleho, maoto le matsoho le letsho. Mahlakore a masweu ho feta mahetla. Mpa le molala di tshweu. Dinko le molomo tsa tse tona di a tswella ho kenyeletsa meno a maholwana.
Dijo
Disamanko di ja ditholwana, dikokwanyane, dipalesa le mahlaku. Disamanko tse tona di ja ditholwana tse ngata ho feta tse tshehadi. Ha di ntse di batlisisa dijo, disamanko di qala ka ko kgetha ditholwana, ka morao ha nako di tla lata mahlaku ha letsatsi le ntse le ya di tla qetella ka ditholwana le mahlaku.Tswalo
Tshwene ena e tswala ka dihla. Tse tshehadi di tswala maqalong a sehla se futumetseng sa dipula. Ledinyane le leng le tswalwa ka morao ha nako ya tswalo ya matsatsi a 140.Madinyane a kukwa ke mmayona dikgwedi tse pedi ho isa ho tse tharo, ka morao ha mona, di a kgweswa ha di le dikgwedi tse robong. Tse tona di atisa ho hlodisana ho tse tshehadi ka nako ya tswalo. Dihlopheng tsa disamanko, nako ya ho tswala ha e tsamaisane.
Boitshwaro
Disamanko di phela ka dihlopha moo e leng e tona e phelang le balekane ba mmalwa le madinyane a ona. Dihlopha tsena di na le disamanko tse tshehadi tse tswalaneng tseo di sireletsanf lehae la tsona tsohle.Lehae
Disamanko di ka phela merung e mengobo le merung e mobu ya KwaZulu-Natal bokone, le ha di atisa ho phela merung e dulang e le tala selemo kaofela. Ha se ka mehla di atisang ho phela merung e nyane ho dihektara tse 50 -100.Di fumanwa kae
Ha di hohle Aforikaborwa ka bophara, di atisa ho phela merung e lebopong la St. Lucia KwaZulu-Natal le merung ya Afro-montane ya Mpumalanga. Di phela hape merung e tshwanang le ena naheng tse potapotileng Aforikaborwa.Mofuta o mong wa borwa o teng merung ya Afro-montane le ya lebopong la hare mane KwaZulu-Natal ho isa ho Kapa Botjhabela ho fihlela moru wa Knysna. Lebopong la bokone ho fumanwa sechaba sa disamanko se sengata. Mefuta e na e mmedi ya Aforikaborwa a tsejwa feela ka mmala wa yona.