Samango Monkey
Ingobiyane ye Samango

Ligama

Ingobiyane ye Samango [Cercopithecus albogularis]

Kutiveta Kwe Ngobiyane Ye Samango

Letindvuna tinkhulu kunaletinsikati, letindvuna tine mass lengu 7 kuya ku 9 kg bese letinsikati tina 4 kuya ku 5kg. Umsila ungu 1/3 ngebudze kunemtimba. Sikhumba senhloko nemahlombe silibala lelimphunga lotopele loya kumnyama. Sikhumba sebuso, tinyawo, tandla kanye netindzawo letingentasi limnyama. Tindzawo letingetulu nasembikwebuso tihhwabile kunasemahlombe. Sisu nachochocho kusamhloshana lolubisi. Imphumulo nemlomo waletindvuna wentela kuvulela lamatinyo angembili lamakhulu.

Kudla Kwato

Kudla kwe Ngobiyane ye Samango kufaka titselo, tilwanyana, timbale, emacembe kanye netilwanyana. Samango lesidvuna sidla titselo letinengi kunalensikati. Natifuna kudla kuvela kutsi Tamango ticala lilanga ngekufuna titselo, bese ekuhambeni kwelilanga tidla emacembe, beselapho lilanga liphela ngenhlangano yemacembe netitselo.

Kwakhiwa

Lesisilwane sihlangana ngesikhatsi. Letinsikati titala ngentfwasahlobo, sikhatsi setimvula. Yinye lencane italwa ngemuva kwekumitfwa emalanga lalikhulu nemashumi lamane. Lamancane amitfwa bomake babo tinyanga letimbili kuya kuletintsatfu, bese alunyulwa ngalokugcwele nakanetinyanga letiyimfica.
Letindvuna ticudzelana ngekubonwa ngulesetilungele kuhlangana letinsikati. Kumasotja esamango, lamasikati akafikelwa ngasikhatsi sinye nakumele sale ahlanganiswa.

Kutiphatsa Kwayo

Ingobiyane ye Samango inesimilo sekutsandvwa tingobiyane letinsikati, yingobiyane lenemandla lehlala netingobiyane letinsikati nebantfwabato naletikhulakhulile. Lokuvana kwakhiwa imindeni lehlobene, lephindze ivikele tindzawo tabo.

Indzawo Yato

Ingaphila emahlatsini latfutfukako, lokufaka ekhatsi emahlatsi lanetihlahla letiwa emacembe ngesikhatsi semakhata bese ahluma ngentfwasahlobo letisendzaweni lenemhlaba endzaweni leseNyakatfo yeKwaZulu-Natal, noma yatiwa kutsi ihlala iluhlata. Lokungakavami kuvela emahlatsini lamancane kunematindzawo letingu 50 kuya ku 100 ngebukhulu noma budze.

Lapho Titfolwa Khona

Atikasakateki noma atatiwa eNingizimu Afrika, tibonwa emahlatsini ladvute kwenyakatfo ye St Lucia estuary KwaZulu-Natal, nase mahlatsini ase Afro-montane eMpumalanga. Loku kuchubekela etindzaweni letifanana nalena kumave akubomakhelwane. Letinye, tilwane letise ningizimu, titfolwa e Afro-montane nase dvute kwemahlatsi lahlangene laselukhalweni naseningizimu ye KwaZulu-Natal, achubekela eMphumalanga ye Cape kuya enyakatfo ye mahlatsu eKnysna. Inombolo lesetulu ivelela enyakatfo yelugwini. Letilwane letimbili tala Ningizimu Afrika tibonakaliswa yimibala yato leminengi.