Igama
Ikghabu ye-Somango [Cercopithecus albogularis]Ukubelanokwakhekakwayo
Eziduna zikulu kunalezo ezisikazi, isilinganiso sobudiisi salezo eziduna simakhilogremu alikhomba ukuya kalithoba, kuthi ezisikazi zibe nesilinganiso sobudisi esimakhilogremu amane ukuya kamahlanu. Umsilazo mude ngokubuyelelwa kathathu ukudlula umzimba woke.Isikhumba sayo ukusuka ehloko ukuya emahlombe sinombala omlotha okunzotho kanye nokunzima. Isikhumba sebusweni, iinyawo, kanye nencenye yemilenze sinzima. Incenye yemilenze ephezulu kanye nemahlangothini ibonakala ikhanya khudlwana kunamahlombayo. Umphimbo kanye namathumbu anombala othanda ukuba mhlophe. Iimpumulo zalezo eziduna zakheke ngendlela yokubutha amazinywazo amade.
Ukudla
Ukudla komhlobo lo wekghabu kufaka hlangana iinthelo, iinunwana, amathuthumbo kanye namakhambi nofana amakara. Iinkghabu eziduna zomhlobo we-Somango zidla iinthelo ezinengi ukudla ezisikazi.Ekuzumeni kwazo ukudla, zithoma ngokufuna iinthelo, kuthi ngokukhamba kwelanga zikhambe zidobha amakhambi, bese zigcina sele zidle amakhambi neenthelo ekugcineni kwelanga.
Ukuzala nokukhulisa
Iinkghabezi zimhlobo ozala ngesikhathi esisodwa sonyaka. Zizala khulu ngesikhathi sehlobo lapho sele kufuthumele khona begodu kunanezulu. Ngemva kwesikhathi sekambiso yokumitha zizala idzinyana linye.Amadzinyana agugwa bonina isikhathi esingaba ziinyangae zintathu begodu aphuhliswa ibele ngemva kweenyanga ezilithoba zobudala. Iingkghabu eziduna ziphalisanela ithuba lokujarha kodwana emhlambini weenkghabu i-Somango ukujarha akwenzeki ngesikathi esisodwa nofana ngesikhathi esifanako.
Ukuziphatha
Umhlobo lo weenkghabu unendlela epheze yafana nesithembu lapho kuba nayinye eduna ebusako hlangana nezisikazi kanye nabentwana bazo. Isakhiwesi sivamise nokwakhiwa ngilezo ezisikazi begodu zivamile ukusivikela kanye nomhlambazo.Ikhayalayo
Zikghona ukuphila eendaweni ezimidzwele neeyalo, kanye nemahlathini wemithi edege, wequbini lehlabathi letlhagwini yaKwaZulu-Natal, nanyana zaziwa ngokuzwana namahlathi ahlala ahlaza nje. Azikavami ukuya emahlathini amancani ngesilinganiso esingaphasi kwammahetha amasumi amahlanu ukuya kalikhulu (50-100).Lapho zitholakala khona
Azikasabalali khulu begodu azikajayeleki eSewula Afrika, zitholakala kwaphela emahlathini wemalwandle we ST Lucia ngaphakathi kwesiFunda saKwaZulu-Natal, kanye nentabeni ebizwa i-Afro-montane forests of Mpumalanga.Begodu ukunaba kwazokhu kufinyelela eenarheni ezibomakhelana. Kunomunye umhlobo wesewula otholakala emahlathini nentabeni i-Afro-Montane and coastal shrub ezisekabeni kanye nesewula yaKwaZulu-Natal, ukuya ePumalanga Kapa kanye netlhagwini yehlathi i-Knysna forest. Isibalo sazo esiphezulu zitholakala emalwande wetlhagwini. Eminye imihlobo emibili yeSewula Afrika ihlukaniseka kwaphela ngemibalazo.