Inchazelo
iTouriga Nacional yinhlobo yeligilebisi levama kusetjentiswa ekukhiciteni luhlobo lwekuhlanganisa lwe port, kepha muva nje iphindze isetjentiselwe iwayini leyomile lebovu. Batali bayo abatiwa.Lapho ivela Khona
Sivumelwano lesingiso kutsi iTouriga Nacional ivela enyakatfo yePortugal, kepha solo kukhona kuphikisana kutsi kukuphi kahlekahle. Sigodzi sase Douro sitsi sona letimphandze talenhlobo sivela endzaweni yabo, kuphikisana ngaso setsiwa emva kwesigodzi sase Duoro, Touriga; ibe iDão itsi ngubona babanikati bangempela balenhlobo kulesigodzi sabo.Bahlatiyi be DNA, kuze kubengunyalo, bakhetsa iDao’s, ngekukhombisa kutsi lesigodzi sinetinhlayiya letinengi kanye netingucuko letinengi te Touriga Nacional kune Duoro. Ngekubuka lemiphumela, kubonakala ngatsi lenhlobo yafika eDuoro emuva kwetikhatsi ta 18th mandvulo.
iTouriga Nacional akusiyo inhlobo lehlanyelwa/lelinywa kakhulu ePortugal, kepha nguyinye lencono khashane ngelizinga lelihle.
Lamanye Emagama/Emabito
Kunengi lokufanako kuyaphila, lokufaka iTouriga, Touringa, Mortágua, Turiga ne Bical Tinto.Kukhicitwa eNingizimu Afrika
iTouriga Nacional yefika la Ningizimu Afrika ngemnyaka wa 1970s. Emawayini eOvergaauw, dvute ne Stellenbosch, yaba yekucala ekuhlanyeleni lenhlobo ngekuphela kwemnyaka wa 1970s, leyenta kutsi kungete kuhlangahlangana kulamawayini eport lasezingeni.Ngemnyaka wa1992, le Estate yaba yekucala kulelive ekukhokheni inhlobo yeport leyodvwa kusuka kumagilebisi eTouriga Nacional. iDe Krans lesedvute ne Calitzdorp lese Klein Karoo yahlanyela iTouriga Nacional yayo yekucala ngemnyaka wa1984 kwase ngemnyaka wa2000 yaba yindzawo yekucala yewayini kulelive kukhicita inhlobo yewayini yinye kuletinhlobo.
Indzawo Lekhicitako
Kukhicita kusolo kukalekile la Ningizimu Afrika, ngemahekitha langaba likhulu (100 ha) lalinywa/lahlanyelwa ngaphansi kwalenhlobo ngemnyaka wa 2016. Ngetulu kwehhafu yaletinhlanyelo tikhona eSwartland kanye nase Klein Karoo.Kukhula/Kuhluma
Lenhlobo ikhula ngemandla, kepha ikhokha linani leliphansi lelihambela emkhatsini wa 8t/ha kuya ku 10t/ha.Kuvutfwa
Lamagilebisi avutfwa ekupheleni kwesikhatsi, kusuka phakatsi kwenyanga yeNdlovu.Emagungumence
Lenhlobo inalencane, emagungumence lasandingilizi, lanesikhumba lesicinile, lesimunyama. Lenyama yawo inejusi lenesinongo lesinetitjalo.Emacembe
Lenhlobo inelibala leliluhlata lohhwabile, emacembe lasemkhatsini ngelinani layindingilizi phindze linemakona lasihlanu.Tilokatane Nemagciwane
Ayikavami kutsatsa umuhlwa lophansi.Kusetjentiswa
La Ningizimu Afrika isetjentiselwa kwakha inhlobo yewayini yinye kanye nekwenta inhlobo yasetafuleni neyekubhabhatisa. Inhlangano ivame kufaka letinye tinhlobo tePortuguese, letifana ne Verdelho, Souzão, Tinta Barocca kanye ne Tempranillo.Kuvelela/Sinongo
Lenhlobo ikhokha tinongo letihlangene nemagungumence lamnyama, mulberries, violets, timbale nemachocolate lamnyama.Translated by Phindile Malotana