Ihlathululo
I-Touriga Naçional mhlobo wamaderibe wewayini abovu asetjenziselwa khulu umkhiqizo wemivango ama-port-style blends, kodwana muva nje usetjenziselwa nomkhiqizo wamawayini omileko abovu. Amaphesendawo akaziwa.Imvelaphi/Indabuko
Isivumelwano esijayelekileko ngesokuthi i-Touriga Naçional idabuka eTlhagwini ye-Portugal, kodwana kusese nepikiswano yokobana kuphi kuhlekuhle. I-Douro Valley ithi umhlobo lo unemirabhawo kibo, baphikisa ngokuthi wathiyelelwa nge-Douro village, Touriga; Dão baphakamisa bonyana babanini bendabuko yomhlobo lo.Ihlaziyo lehlelo lokuhlola ifuzo, (DNA Analysis), ukufikela la, lijamelana nesiphakamiso se-Dão, ngokuthi isiphandesi sinenengi lomhlobo lo okhambelana ne-Touriga Naçional ukudlula i-Douro. Ngokuya kwemiphumela, kubonakala kwangathi umhlobo lo wafika e-Douro ngemva kwe-18th Century.
I-Touriga Naçional nokho ayikatjalwa khulu enarheni ye-Portugal, kodwana ukufikela njenganje inezinga elikhamba phambili.
Amanye Amagamawo
Kunamagamawo ambalwa akhona, afaka hlangana i-Touriga, Touringa, Mortágua, Turiga kanye ne-Bical Tinto.Umkhiqizo weSewula Afrika
I-Touriga Naçional yafika eSewula Afrika ngomnyaka ka-1970s. I-Overgaauw Wines, eduze ne-Stellenbosch, kwaba ngiyo yokuthoma ukutjala umhlobo lo ngabo-1970s, ngehloso yokungeza ukuhluka endlelenabo emawayininabo we-vintage-style port.Ngo-1992, i-Estate nayo yaba ngeyokuthoma enarheni ukukhiqiza iwayini engakavangwa ye-Port ukusuka emaderibeni we-Touriga Naçional. I-De Krans eseduze ne-Calitzdorp e-Klein Karoo yatjala i-Touriga Naçional yokuthoma ngo-1984 kanye nango-2000 yaba yiwayini yokuthoma enarheni ukukhiqiza iwayini yomhlobo ongakavangwa ukusuka keminye imihlobo.
Umkhiqizo Weemphande
Umkhiqizo usesephasi eSewula Afrika, pheze ngama hegere ali-100 ha atjalwe ngaphasi komhlobo lo ngonyaka ka-2016. Ngaphezu kwesiquntu seentjalo sitholakala e-Swartland kanye ne-Klein Karoo.Ukukhula Nokuthelwa Kwawo
Umhlobo lo ukhula ngamandla, kodwana ukhiqiza inani eliphasi elibalelwa phakathi kebu-8 t/ha to 10 t/ha.Ukuvuthwa
Amaderibe la avuthwa ngokukhamba kwesikhathi phakathi esikhathini sonyaka, ukusuka phakathi kwenyanga kaNtaka.Amamomori
Umhlobo lo unesakhiwo samamomori esincani esakheke njenge qanda, kanye namakelo aqinileko anzima. Ingaphakathi lande ngejuzi kanye nenambitho elinothe khudlwana.Amakari
Umhlobo lo unombala ohlaza satjani, amakari makhulu ngesilinganiso esiphakathi begodu arondo kanye nencenye yesiphetho esineempenda ezihlanu.Iintjhabalalisi kanye Namalwelwe
Uhlukunyezwa kukonakala okubizwa nge-downy mildew.Umsebenzawo
ESewula Afrika usetjenziselwa ukwenza umhlobo ongakavangwa kanye nemivango yamawayini wematafuleni okufaka hlangana ama-fortified port styles wines. Imivango ivame ukufaka imihlobo yama-Purtuguese, efana ne-Verdelho, Souzão, Tinta Barocca kanye ne-Tempranillo.Inambitho
Umhlobo lo ukhiqiza inambitho elihlotjaniswa namamomori anzima, ama-mulberries, violets, amathuthumbo kanye namatjhokolede amnyama.Translated by Johannes Nkosinathi