Naam
Touriga NacionalBeskrywing
Touriga Nacional is ’n rooi druifvariëteit wat meestal gebruik word as ’n versnitwyn vir port, maar meer onlangs vir die produksie van ’n droë rooiwyn. Die oorsprong is onbekend.Oorsprong
Dit word algemeen aanvaar dat Touriga Nacional van noord Portugal afkom, maar vanwaar presies is nie duidelik nie. Die Douro Vallei beweer dat hierdie druif sy oorsprong het in die dorp Touriga, wat in die vallei geleë is, maar Dão beweer dit kom van daar.
DNA analise is sover ten gunste van Dão omdat dit ’n groter kloon en variëteit diversiteit het as Douro. Volgens hierdie resultate blyk dit dat die variëteit eers in die 18de eeu in Douro aangeplant is. Touriga Nacional is nie die mees algemeenste druif in Portugal nie, maar dit is beslis die beste kwaliteit.
Ander Name
Hierdie variëteit het verskeie sinonieme naamlik Touriga, Touringa, Mortágua, Turiga en Bical Tinto.Produksie in Suid-Afrika
Overgaauw Wines, naby Stellenbosch, was die eerste wat Touriga Nacional aan die einde van die 1970’s in Suid Afrika aangeplant het. Dit was klaarblyklik om kompleksiteit tot hulle oesjaar portwyne by te voeg. Hulle was ook die eerste om in 1992 ’n enkel variëteit port van die Touriga Nacional druiwe te produseer.
De Krans naby Calitzdorp in die Klein Karoo het hierdie variëteit in 1984 begin aanplant. In 2000 was hulle die eerste wynmakers in die land om ’n enkel variëteitswyn van die Touriga Nacional druif te produseer.