Nhlamuselo
Touriga Naçional i madiriva yotshuka lawa hixitalo yatirhisiwaka ngopfu kuhumelerisa tiwayeni ta nantswo wa port-style, kambe masiku lawa yitlhela yitirhisiwa naku endla tiwayeni totshuka. Vatswari va yona avativeki.Ntumbuluko
Ntwanano lowunga kona hileswaku Touriga Naçional yitumbuluke e nwalungwini wa Portugal, kambe kahari na njhekanjhekisano waleswaku yingava yi tumbuluke kwihi. Vale The Douro Valley vavula leswaku madiriva lawa yana timintsu eka ndzhawu ya vona, laha vange vito ra yona rithyiwe hikwalaho ka xindzhawana xale Douro village, Touriga; kasi Dão nayona yivula leswaku vona hivona vanga sungula na muxaka lowu wa madiriva.Vulavisisi bya DNA, kufika sweswi byi yima na swiviko leswitaka swihuma e Dao, leswikombaka leswaku ndzhawu liya yina nhlayo yikulu xikanwe na vun’winyi bya Touriga Naçional kutlula e Douro. Kuya hi mbuyelo, swilanguteka onge madiriva lawa ya fike e Douro endzhaku ka 18th Century. Touriga Naçional ahiyona yi byariwaka ngopfu e Portugal, kasmbe hiyona ya khwalithi ya xiyimo xale henhla kufikela sweswi.
Mavito Yanwana
Kuna mavito yo hlaya nyana lawa kunga vamavizweni, ku katsa, Touriga, Touringa, Mortágua, Turiga na Bical Tinto.Vuhumelerisi e Afrika Dzonga
Touriga Naçional yifike rosungula laha Afrika Dzonga hi lembe ra 1970s. Overgaauw Wines, kusuhi nale Stellenbosch, kuve ndzhawu yosungula kuva kubyariwa muxaka lowu hi malembe yava 1970s, laha ati byaleriwa ku tatisa eka tinxaka tohambana hambana leti avari na tona.Hi lembe ra 1992, Estate leyi yive yosungula laha tikweni kuhumelerisa madiriva yo huma e Touriga Naçional. Ndzhawu ya De Krans kusuhi nale Calitzdorp e Klein Karoo yibyale muxaka wa Touriga Naçional rosungula hi 1984 kasi hi lembe ra 2000 yive nsimu yosungula laha tikweni kuhumelerisa madiriva yo endla wayeni yinwe kusuka eka muxaka lowu.
Tindzhawu ta Vuhumelerisi
Vuhumelerisi byile hansi nyana laha Afrika Dzonga, na kwalomu ka 100 wa misinya leyi byariweke kusuka hi 2016. Ku tlula hafu ya misinya leyi yikumeka e Swartland nale Klein Karoo.Ku Kula
Nsinya lowu wakula swinene, kambe wuhumelerisa mihandzu yintsongo swinene leyinga exikarhi ka 8 t/ha kuya eka 10 t/ha.Ku Vupfa
Madiriva lawa ya vupfa kuri khale exikarhi ka nguva, kusukela exikarhi ka March.Mihandzu
Mihandzu yakona yintsongo swinene, yina xivumbeko xa oval yibumbula nyana na nhlonge ya ntima. Swalendzeni ka yona swina juzi yotsokombela leyingana nantswo wa mihandzu.Matluka
Nsinya wakona wuna matluka ya rihlaza yo vonikela, ayakulangi ngopfu naswona iya xirhendzevutani yatlhela yava na swiave swa ntlhanu.Switsotswana na Mavabyi
Nsinya lowu wukarhatiwa hi downy mildew.Switirhisiwa
Laha Afrika Dzonga yitirhisiwa ku endla muxaka wunwe wa wayeni xikanwe no katsiwa natinwana tiwayeni. Tinwana ta leti tikatsiwaka i tiwayeni ta xiphutukezi (Portuguese) to fana na Verdelho, Souzão, Tinta Barocca na Tempranillo.Nantswo
Madiriva lawa ya humesa minantswo leyi fambelanaka na ti black berries, mulberries, violets, roses xikanwe na dark chocolate.Translated by Ike Ngobeni