Nelson Mandela na Thabo Mbeki

© Dr Peter Magubane
Asesimeni lesijabulile. Lomengameli lomusha losandza kukhetfwa, Thabo Mbeki kanye na Nelson Mandela eNkhundleni yase Orlando eSoweto.
Thabo Mvuyelwa Mbeki watalwa ngenyanga yeNhlaba natilishumi nesiphohlongo, nga 1942 esigodzini lesincane lesibitwa ngekutsi yiMbewuleni eEastern Cape, lokusho kutsi ‘indzawo yentalo’. Nga 1956, nakaneminyaka lelishumi nakune, Thabo Mbeki wajoyina licembu lensha la Khongolose (ANCYL). Nga 1962, wahamba eNingizimu Afrika wayohlala etigangeni. Watsi aselapho , Mbeki wafundza temnotfo ku Nyuvesi ye Sussex, eNgilandi watfola Umphumela lophakeme. Ngemuva kwaloko wacedzela kutilungiselela kwakhe kutembutfo eUSSR. Wabese uyahamba uya eZambia kwaze kwaba ngumnyaka wa 1990 uma iANC imiswa. Nga 1994 wahlanganyela na Nelson Mandel, waba liphini leMengameli we Ningizimu Afrika.
Thabo Mbeki waba wesibili lowakhetfwa ngentsandvo yelinyeti kuba ngu Mengameli wase Ningizimu Afrika, wangena esikhundleni sa Nelson Mandela. Wakhetfwa kabili njengaMengameli weNingizimu Afrika nga 1999 na 2004. Wehla esikhundleni njengamongameli ngesicelo selibandla leliphakeme le ANC nga 2004. Thabo Mbeki nyalo usesihlalweni sebhodi ye Nhlangano yeAfrika Libandla Lelisetulu Lwekwenta eSudan.
Kulesi sitfombe, Thabo Mbeki ana Madiba babakhombisa basesimeni sekujabula nabagubhla kubekwa kwa Mbeki abe ngumongameli eNkhundleni yase Orlando eSoweto, nga 1999. Balandzeli labatinkhulungwane bawungenela lomgidvo.

“Uma seloku buphuya, kungaphatseki kahle kanye nekukhula kwekungalingani kuchubeka kulomhlaba wetfu, ngisho namunye wetfu angeke siphumele kahle.” ~ Nelson Mandela

 lokundlulilelokulandzelako

Mandela 100 - Mandela: A Man of Principle

Brenda Fassie lobekatsintsekile, umhlabeleli lowatiwako wase Ningizimu Afrika, watsandvwa ngu Mandela....more

Mandela 100 - The Fight for Freedom

Mandela abetsandvwa balandzeli bakhe kanye neluphawu lenkhululeko lwabo bonkhe. Uvame kubonwa njengemuntfu longunkhulunkulu eNingizimu Afrik...more

Mandela 100 - The Mandela Legacy

Mandela watfola umchele webudokotela eNyuvesi yase Witwatersrand eGoli....more

Mandela 100 - Timeless Madiba

Bantfu bepolitiki labehlukahlukene, kufaka ekhatsi Nelson Mandela, lobekangumumeli ngalesikhatsi ema njengemsolwa wekuboshelwa kulwisa hulum...more