Lwati ngapelepele lomnadzi

© Louise Brodie
Emagama eScientific: Capsicum Annuum
Emagama lajwayelekile: Sweet Pepper or Bell Pepper

Kuchaza sihlahla

Pelepele lomnadzi sihlahla lesikahle lesinembala loluhlata, lesinemacembe lamancane lacijile. Lesihlahla sapelepele siyabeketela lesikhula ngesikhatsi saso, bese siphindze siyafa uma sicedza kukhicita titselo. Sinembala loluhlata, lobovu, butfubi, mhlophe, purple, bubhidzi kanye nembala lo orange. Kunetinhlobo letinyenti tapelepele, futsi time ngetindlela letinyenti. Kunaletinye tinhlobo letifika nyalo, letingajubwa, sikhiphe umtimba wesihlahla lomusha, emacembe, timbali futsi tikhicite titselo onkhe emalanga. Tijwayelwe kuhlanyelwa kakhulu endlini lelihlata noma etindzaweni letishisako letivumela sikhatsi sekukhicita lesinyenti.

Imisebenti wawo

Pelepele usebentiswa nasipheka kungeta bunandzi kuletinye tinyama noma tibhidvo. Tiyadliwa futsi tingakaphekwa njenge salad phindze tingaphekwa e Oven. Kutsiwa pelepele une Victamin C lenyenti kakhulu kundlula li orange.

Kulungisa umhlabatsi naloko lokundzingekako

Pelepele udzinga indzawo lenemhlabatsi wesanti lovundzile lohambisa kahle emanti. Njengoba timphandze tikhona emhlabatsini longetulu, ativani nendzawo lenesomiso kanye nendzawo lenemanti lemile. Kunisela kufanelwe kunakekelwe kahle. Emhlabatsini kufanele kube netintfo letikahle letenta umhlabatsi uvundze. Emhlabatsini pH kufanele ibe ngu 6.2 kanye na 7.0.

Simo selitulu

Pelepele sihlahla lesenta kahle endzaweni leshisako futsi ativani netindzawo letibandza kakhulu, kukhula kuyatsikemeteka uma simo selitulu sitowehla ngaphansi kwa 15 °C. Tenta kahle kakhulu uma simo sekushisa sasemini nasebusuku sihamba kubo 20 °C kanye na 30 °C. Lapho khona lesitselo sesicala kuvutfwa, sinconota indzawo leyomile lengenato timvula, ngoba loku kubangela iFungus kanye netinkinga tekunisela.

Titjalo

Tinyenti kakhulu tinhlobo tetinhlanyelo tapelepele, nati letinye tato: California Wonder, King of the North, Jupiter, Pip, Chocolate Beauty, Keystone, Florida, Banana, Marconi Red, Ballito Sweet Golden, Cape Medallion Cherry kanye ne King Arthur. Tinyenti tinhlobo letinsha letivelako letikhona kumelana netifo kanye netilwanyana. Kungubono lomuhle kutsi ubonane nemuntfu lowati kakhulu ngetitfombo.

Translated by Thandokuhle Motha
 lokulandzelako