Leina la tša mahlale: Capsicum Annuum
Maina a go tlwaelega: Pherefere e tata goba Pherefere ye kgopamo
Tlhalošo ya Sebjalo
Pherefere ye tata, ke sebjalo se se boleta sa matlakala a mmala wo motala le sebopego sa oval le bosese mo dintlheng. Pherefere ke sebjalo se se huetšago; se se golago mo sehleng sa yona sa go mela e be se hwa ka morago ga tšweletšo ya dienywa. Go na le, tše bohubedu, tše šweu, purapura, bosootho le dipherefere tša mmala wa namune, tša mohuta wa go fapana.Go na le dipherefere tša dibopego tše kgopamo; ke ka lebaka leo di filwe leina la pherefere ye kgopama, go na le dibopego tše nnyane tše sese le dipherefere tsa cherry. Go na le mohuta wo mofsa wa o sa tlhalošwago wo o kgonago go segwa, go tšweletša dikutu tše mpsha, matlakala, matšoba be di tšweletša dienywa tše mpsha tša go se kgaotše. Gantši di bjalwa mo ntlwaneng ye tala goba themperetšha ye borutho ye dumelelago tšweletšo.
Šomišo
Dipherefere di ka dirišwa go apea, go oketša mohlodi mo nameng goba mo dijong tša merogo. Di ka lewa di sa apeiwa bjalo ka salate, di ka bešwa le go pakwa ka ditlatšo tša go fapafapana.Go bolelwa gore di na le vitamine ya C ya Namune.
Dinyakwa tša Mmu le go Apea
Di nyaka mabu wa seloko le wa sehlaba, wa go gamola gabotse. Ka ge medu e ka ga ba 30 cm godimo ga mmu; di huetša komelelo le maemo a meetse. Nošetšo e swanetše go laolwa gabotse. Go swanetše go ba le dibodi tše mmung goba manyoro a swanetše go kopanywa mmung pele ga pšalo. pH ya mmu e swanetše go ba lmagareng ga 6.2 le 7.0. Ge di kgaušwi le pH di dira gabotse.Boso
Dipherefere ke dibjalo tše di ratago klaemete ye borutho; di huetšwa tšhwaane gomme kgolo e a nokologa ge dithemperetšha di le fase ga 15°C. Di dira kaone ge dithemperetšha ba bošego le mosegare di fetoga ka magareng ga 20°C le 30°C. Ge sebjalo se thoma go butšwa se rata komelelo ka ntle le pula ka ge e hlatloša kgolo ya fankase le mathatla a taolo ya nošetšo.Dikhalthiba
Go na le dikhalthiba tše makgolo a eupša ke tše, tše mmalwa: California Wonder, King of the North, Jupiter, Pip, Chocolate Beauty, Keystone, Florida, Banana, Marconi Red, Ballito Sweet Golden, Cape Medallion Cherry le King Arthur. Go na le mapastere a mafsa ao a hlabollwago go yo rekoto le go maatlafatša megwa ya moswananoši a twantšho ya kgahlanong le disenyi le malwetši. Go kaone go rerišana le batsebi ba dipeu tša khalthiba bao ba kgethegilego le agronomist mo lefelong la gago go go thuša ka go hlaola dikhalthiba tše kaone go ya ka klimate ya gago le maemo a mmu.Translated by Lebogang Sewela