Kwati kutsi umutsi lobulala likhula usebenta kanjani kumcoka, ngoba uma ungawusebentisi ngendlela yakhona loko lokuhlanyelwe kungafa. Kuhlala ugadze likhula kusengakamili loku lokuhlanyelwe kuyasita kutsi likhula lingabi inkinga kakhulu. Futsi lokunye lokumele ukucaphele, kutsi kususa likhula kakhulu kungabanga umhlabatsi utfolwe lilanga kakhulu loku kungenta emanti angene kakhulu emhlabatsini bese kubanga kugebhuka kwemhlabatsi. Kuloko lokuhlanyelwe endzaweni leyehlelako, manyolo kanye nemutsi wekufutsa ungehlela uze uhambe uyogcolisa eemanti.
Kukhona kwelikhula kumelana nemutsi wekufutsa kudala inking. Ngiko kumgcoka kusebentisa umutsi lonemandla. Kufanele kusebentiswe tindlela letinyenti tekubulala likhula. Kungaba kulibulala ngetandla noma ulibulale ngemitsi, lokusebentisa tindlela letinyenti kusita kutsi likhula lingakhoni kuba nemandla.
Lenye indlela yekucedza likhula kuyekela lokuhlanyelwe kutsi kukhule ngendlela lekahle, kute kufike esigabeni ekungabangisani nelikhula. Lenye indlela yekucedza likhula kuhlanyela letinye tintfo ngephansi kwaloku lokuhlanyelwe. Leti nguletinye tindlela tekulwisana nelikhula.
Translated by Phindile Malotana