Isikhathi sokufaka isitjhabalalisezi siqakathekile ekwenzeni bona zisebenze ngombana nazingasetjenziswa kuhle zingona iintjalo zamadiribe ezisese zincani. Ukuhlala kulawulwa kwalo ngaphambi kokobana kutjalwe imbewu kungaphungula ikhula.Ngakwelinye ihlangothi, ukususa ikhula kungabanga bona ihlabathi enengi ivele elangeni okungarholela ekutheni ingakghoni ukubamba amanzi, nokobana ihlabathi ithathwe mamanzi. Lokha isimu yamadiriyibe itjalwe lapha kukhuphukela khona, iimpreyi kanye nemvundisi zingehlela phasi zisilaphaze imithombo yamanzi. Ikhula elibhalela iimpreyi zamakhemikhali limraro omkhulu, njeke kuqakathekile ukusebenzisa iindlela ezivangileko zokulawula ikhula.
Iindlela ezivangileko zokulawula ikhula ezibizwa bona yi-integrated weed control systems, zindlela zokubulala ikhula ngokusebenzisa iindlela ezahlukeneko. Ekubalwa ukulilawula ngekhemikhali, ngezandla namtjhana ngebhayiloji. Ifihlo ye-integrated weed control kuvanga imihlobo eyahlukeneko yamakhemikhali ukwenzela bona ikhula likhgone ukufa. Inye indlela yokuzilawulela ukuzisusela ikhula kukobana ulilise likhule ngendlela elingakghona ngayo ukwenzela bona kungabi nokuphalisana nalo.
Enye indlela ongalilawula ngalo kukobana utjale iintjalo ezivala ihlabathi hlangana kwentjalo ezifana namadiribe nanyana iinthelo.Ukukhandela ukurhatjheka kwembewu yekhula emraro, ungatjala i-oats ngengesitjalo esivala ihlabathi. Ungenza ibhala nge-oats kanye nekhula. Sekutholwe bona i-mulching ezinye iintjalo kanye kanye nokuzombelezisa iintjalo ezinye kuyarhelebha ngomraro lo.
Translated by Busisiwe Skhosana