iPearl millet iba netimphandze letindze kakhulu letingafika kuletinye tinhlobo temhlabatsi letingafiki kuto letinye titjalo. Lihlolo lelentiwe eUnited States likhombise kutsi iPearl millet ingasebentisa umsoco that leyiwutfole ngaphansi kwemhlabatsi losale nakuhlanyelwa letinye titjalo.
Noma ikhona kumelana nesomiso, iPearl millet idzinga imvula uma isakhula kepha ayivani nemanti lamanyenti uma seyisesigabeni sekukhipha timbali. Yenta kahle emhlabatsini lolula, lone pH lengu 4,5 - 5,5 futsi nasemuhlabatsini lone aluminium lenyenti, kepha ayikhoni kumelana nemhlabatsi welibumba logcwele emanti. Ivuma kahle kumanyolo nase kushintjeni titjalo. Titjalo letikhicita tinhlamvu tifaka iNitrogen emhlabatsini.
Sivuno
Letimbali letinyenti tifakwa entfweni (rachis) lengaba ngu 15 cm kuya ku 140 cm. Emuva kwemalanga langu 40 ufake manyolo, tinhlamvu kufanele tibe setilungele kuvunwa. Uma simo singulesikahle, iPearl millet letfutfukisiwe ingakhicita 3 – 4 ton/ha kuna 300 kuya ku 800 kg/ha uma manyolo uba muncane. Licwaningo lelentiwe eFlorida, USA lekhombe kutsi emalayini lasondzelene 13 cm abangela kutsi sivuno sibe setulu – 5,5 ton/ha kuna 3,7 ton/ha lobakhona esikhaleni lesingu 76 cm emalayinini.Esikhatsini lesinyenti iPearl millet ayidzingi umutsi wekubulala tifo noma tilwanyana, kepha kuvikela likhula kumcoka. Tifo ku pearl millet atandzanga kakhulu; tifo letimcoka lekufanele utati yi mildew, kubola kwenhlanyelo, rust and grain moulds. Kushintja titjalo letihlanyelwako letingahlobani ne pearl millet ngiko lokukahle kuvikela tifo. Kuvikela kutsi kungabi khona tintfo letakhekako emhlabatsini letingafuneki. iMillet levutsiwe itsandvwa tinyoni.
Kuvuna
Tinhloko te pearl millet tivunwa emuva kwemalanga langu 40 emuva kwekuveta timbali, kuba manti kufanele kube ngu 15%. Kuvunwa kwentiwa ngesandla (ngemukhwa noma ngelisikela) noma intfo leyentelwe kuvuna. Uma uvuna uvunela iSilage kuncono kuvuna ngemushina uma tinhloko tivela. Tintfo tekuvuna kufanelwe tilungiswe kwentele kutsi tivune kahle ngendlela lefanele, ngoba lokungakavunwa kahle akwenti kudla kwetilwane kahle. Emuva kwekuvuna letinhloko tiyomiswa phansi.iPearl millet kungaba matima kuyilungisa. Letinhlamvu tidzinga kucatwa (kususwa kulentfo lekutivalile) ungakagayi. Ngekwesintfu kwentiwa ngesandla, lena ndlela ikhipha sivuno lesincane sa flour, longaba ngu 75%.Translated by Thandokuhle Motha