I-pearl millet yenza imirabhu etjhingelako engafika ngaphasi ehlabathini ingatjhwenywa ngezinye iintjalo. Ukuhlolwa okwenziwa esoutheastern United States kutjengisa bona i-pearl millet ingasebenzisa izakhimzimba ezithola ngaphasi emirajini yentjalo ezakhe zatjalwa ngaphambilini.
Ngaphandle kokobana ayisabi isomiso, i-pearl millet itlhoga izulu lokha nayitjaliweko. Iba yihle lokha nayitjalwe ehlabathini elula, i-pH yezinga eliphasi, ye-4, 5 - 5, 5 kanye nehlabathi ezele i- aluminium, ayithandi ihlabathi eyidaka.Iyathanda nayidlheganiswa nezinye iintjalo nokuvundiswa. Iintjalo ezifana ne-cowpeas zibuyisela i-nitrogen ehlabathini.
Isivuno
Amathuthumbo amakhulukhulu apakwa esipikirini esingaba hlangana kwe-15 ukuya ku-140 yamasenthimitha. Ngemva kwamalanga ayi-40 ngemva kokuyivundisa,imbewu ingavunwa. Ngaphasi kobujamo obuhle i-pearl millet ingakhiqiza amatani ahlangana kwe-4-5 nayimadaniswa ne-300 ukuya ku-800 kg/ha lokha ubuswe kanye nokuvunda kwehlabathi kungikho ekukhipha umphumela. Irhubhululo elenziwa e-Florida, latjengisa bona lokha nayitjalwe kwahlanganiswa amareyi abayi-13 cm kungarholela bona kutholwe isivuno esihle-pheze i-5,5 ton/ha nakumadaniswa ne-3,7 yamatani qobe amatani ayi-76 cm wenkhundla emareyini.Ngokujwayelekileko i-pearl millet ayitlhogi iimbulali zenunwana kodwana itlhoga ukulawulwa kuhle. Amalwelwe we-pearl millet akasimanengi, ubulwelwe obuqakatheke khulu yi-mildew, ukubola kwembewu, ukurusa kanye nokubola kwentanga. Ukudlheganiswa kwentjalo nentjalo ezingahlobani nayo kuyindlela ehle yokulawula iintanga.Lokhu kukhandela ukwakhela kwama-pathogen ekwakheleni ehlabathini. I-millet evuthiweko ithandwa zinyoni, tjheja iintjalo ukhe iinthelo zawo msinya ngemva kokobana zivuthwe.
Ukuvuna
Iinhloko ze-pearlmillet zivunwa ngemva kwamalanga ayi-40 zihlumile, ubuswe bazo kufanele bube yi-15%. Ivunwa ngezandla ngokusebenzisa iinkere nanyana umtjhini wokuvuna. Kuncono ukuvuna ngomtjhini lokha iinhloko zayo nazimilako. Umtjhini kufanelwe wenziwe bona ugaye iintanga ezincani ngombana nazingakagaywa kuhle iinkomo azizidli kamnandi. Ngemva kokuvuna, iinhloko zinyiswa elangeni. Iintanga zingaba nesikghoro nange zinganekwa kuhle.Iinhloko ze-pearl millet zivuwa ngemva kwamalanga ayi-40 ngemva kokobana zihlume lokha nazinobuswe obuyi-15%. Ivunwa ngesandla (kusetjenziswa umukhwa) nanyana ngomtjhini wokuvuna.
Kubudisi ukugaya i-pearl milletngombana kufanele uthome ngokususa amaqephe ngaphambi kokobana uyisile. Kade kwakwenziwa ngesandla, lokhu kukhiqiza umkhiqizo omncani weflowura engaba yi-75%.Translated by Busisiwe Skhosana