Pearl millet yiva na timintsu to enta swinene letinga fikelelaka tileyara tokarhi ta misava letingase fikeleriwaka hi ximilani xin’wana. Swikambelo e dzongeni vuhuma dyambu bya United States byi komba leswaku pearl millet yinga tirhisa swakudya leswikumekaka ehansi hansi swinene ka misava.
E handle ka kuva yikondzelela dyandza, pearl millet yi lava mpfula eka nguva yaku byariwa kambe yichava swinene mati hinkarhi lowu yihumaka mabilomu. Ayi hanyi kahle eka misava yovevuka, leyingana pH ya 4,5 - 5,5 xikan’we nale ka misava leyinga henhla hi aluminium, kambe yinge kondzeleli misava ya vumba leyinga tala mati. Yi hanya kahle swinene laha kungana manyoro xikan’we naku cinciwa ka swimilani hiti legume. Legumes tofana na ti cowpeas ti chela nitrogen emisaveni.
Mbuyelo
Madzana dzana ya mabilomu yakumeka eka (rachis) lawa yanga eka 15 kuya eka 140 cm. Kwalomu ka 40 wa masiku yaku nonisiwa ka misava, mbewu yifanele kuva yilulamele ntshovelo. E hansi ka xiyimo xa kahle pearl millet hybrids tinga vuyerisaka 3 - 4 ton/ha loko ku pimanyisiwa na 300 kuya eka 800 kg/ha loko ndzhongo na kunona ka misava swiva swirhalanganya. Swikambelo leswinga endliwa e Florida, USA swikomba leswaku kubyala ekusihi na kusuhi tani hi 13 cm switisa mbuyelo wale henhla- kwalomu ka 5,5 ton/ha loko ku pimanyisiwa na 3,7 ton/ha eka xipesi xa 76 cm exikarhi ka mintila.Hi xitalo pearl millet ayi lavi swidlaya switsotswana kambe kulawuriwa ka nhova swakahle swa laveka. Mavabyi yati pearl millets aya talangi; mavabyi ya nkoka swinene i mildew, seed rot, rust xikan’we na grain moulds. Ku cinciwa ka swibyariwa hi leswingariki na vuxaka switala kuva maendlelo yakahle swinene ku lawula mavabyi. Leswi swisivela ku hangalaka ka mavabyi nale misaveni. Millet leyi vupfeke yivitana ngopfu tinyenyana; veka tihlo eka swibyariwa naswona tshovela hiku hatlisa loko ti seed plumes tivupfile.
Ntshovelo
Tinhloko ta Pearl millet titshoveriwa endzhaku ka 40 wa masiku endzhaku ka kuhumesa mabilomu, ndzhongo wufanele kuva kwalomu ka 15%. Ntshovelo wu endliwa hi mavoko (hi mukwana kumbe sikiri) kumbe kutirhisiwa ka combine harvester. Kutshoveriwa ka silage swikahle swinene loko swiendliwa hi muchini loko tinhloko tihumelela.Muchini wo tshovela wufanele ku lulamisiwa leswaku swita hambanyisa mbewu leyintsongo, tani hileswi millet lowu hambanyisekeke wungana swakudya swintsongo. Endzhaku ka ntshovelo, tinhloko ta omisiwa e hansi kumbe laha ti hambanyiseriwaka kona. Ku bola na ku mila ka grain (sprouting) swinga humelela loko tinga omisiwangi kahle.
Pearl millet ya tika kuyi lulamisa. Ti grains tilava ku vandliwa loko tingase kandziwa. Hi xitalo swiendliwa hi mavoko, maendlelo lawa yatisa mbuyelo wale hansi wa flawuri, kwalomu ka 75%.Translated by Ike Ngobeni