Mine noma yena?
Indvodza yami beyilungile,abehlala akhuluma kahle nami futsi aphansi. Kodva loku kuhamba iminyaka singatfoli bantfana, umndeni wakhe kakhuukati Make wakhe, wacala kungiphatsa ngesihlungu. Abengibita ngenkhabi, eTranskai tinkhabi tiyahlanganiswa tibe timbili, tisebentiswe kulima etivandzeni.
Tinkhomo betifaniswa ne Bafati labakhulisa bantfana, kodva tinkhabi tomsebenti londzima lodzinga emandla. Tidvonsa ema hhuka, tiphatse nemabhakede emanti, kanye futsi netinkhuni letiningi. Make tala wami bekadze angifanisa ne nkhabi, ngoba ngingakwati kutfola bantfana.
Bengikwate kakhulu, ngiphuke inhlitiyo ngifuna nekuhamba, indvodza yami yatsi ngingakhatsateki ngoba akusi tsine sodva lesinganabo bantfana. Labanye badzala abanabo bantfana, kodva namanje basese ndzawonye, sishadile yiko kumele sihlale ndzawonye size sishone.
Kodva batali bakhe bebafuna bantfana labaningi kitsi bangana ndzaba kutsi utsini, noma ngabe endlini bekunga gcwala bantfu bebakhuluma ngokutsi kumele ngiphume kulomshado. Baphindza phindze kutsi angifani nalabanye bafati, Yinkhabi, loko bekungi bulala kakhulu ngekhatsi kimi. Leso sikhatsi angati noma yimi noma indvodza yami lengakwati kutfola bantfana.
Sibeletfo lesi Fakelwe Phoyizeni
Ngelinye lilanga bangimikisa kuDokotela, wafika watsi indvodza yami isesimeni lesihle kodva mine ngafakelwa iphoyizeni esibeletfeni sami. Loku kwenta wonkhe umuntfu atsi liphutsa lami kutsi singabatfolii bantfana, ngamshiya Mzwandile ngingashongo lutfo kuye, umuva kwekubandzawonye iminyaka lesitfupha.
Ngamuvela buhlungu, njenga manye emadvodza, bengifuna ajabule futsi akhululeke, bekadze ngimumoshela sikhatsi nje lokhu ngingamuphi bantfana. Angitjela kutsi akatfole lomunye umfati azame naye. Ngeta ekapa singa sakhulumi, kodva ngesinye sikhatsi kumele ngiye ekhaya eEastern Cape.
Ngatfola kutsi abeloku abuta umndeni wami kutsi ngitobuya nini ngoba efuna kukhulumisana nami. Bengati kutsi uyangitsandza,lapho ngambona khona bekulilanga lelibuhlungu kakhulu,wakhala noku khala. Watsi bekangaboni kutsi senta liphutsa ngokushada, kodva beseka shade nomunye umuntfu, umfati lobekana bantfana lababili laphuma nabo emshadweni wakhe wokucala.
Mzwandile bekafuna bahlukane,malume wangitjela kutsi emaphepha abelokhu afika kantsi mine bengingekho. Ngisacabanga nokutsi kube umndeni wakubo bewuhlukile ngabe namanje sisese ndzawonye, ngiyatibuta kutsi bekuya ngani singaba tfoli bantfana. Imphilo yetfu ngabe beyiyinhle kakhulu, bekanganabo bantfana nalo mfati lomusha, ngokubona kwami bamloya kutsi angaba tfoli bantfana.
Translated by Thandokuhle Motha