Mina kumbe Yena?
Nuna wa mina ari wanuna wa kahle. A tshama a vulavula kahle na mina hi malwandla. Kambe loko malembe yarikarhi ya famba naswona ahingari na vana, ndyangu wa yena, ngopfu ngopfu mhani wa yena, vasungule kuva na tihanyi eka mina. A hamba andzi vitana nyumba. Hileswo e Transkei hitirhisa tihomu ta mune, leti paniwaka hi timbirhi mbirhi leswaku ti rima.
Tihomu tifana na vavasati, titisa vana, kambe tihomu titirha mintirho yotika swinene, ku koka puluhu naku rhwala madiromu ya mati kumbe tihunyi kusuka enhoveni. Mhani wa nuna wa mina avandzi fananisa nayona hikuva andzi ngari na vana. Andzi kwatile naku twa kuvava naswona andzi navela ku longa ndziya eka hina.
Nuna wa mina aku ndzi nga vileli. Ahi hina ntsena hi pfumalaka vana. Kuna vanhu lava se vanga dyuhala vari hava vana kambe vahari swinwe. Hi tekanile naswona hifanele kuva swinwe ku kondza hi lova.' Kambe ndyangu lowu awu lava vana votala eka hina naswona avanga swivoni leswi aswivula.
Hambi loko yindlu yitele hi vanhu, ava ta vulavula hiswona xikanwe naku ndzi humesa emutini. Ava ta swi engeta vaku, 'Anga swona leswi vavasati van’wana vanga xiswona, i nyumba.' Aswi ndzi dya endzeni. Naswona andzi nga switivi leswaku kungava kuri mina kumbe nuna wa mina ke, loyi anga kumi vana.
Xivelekelo lexingana phoyizeni
Eka nkarhi wunwana vandzi yise eka dokodela, loyi anga fika a hlamusela leswaku nuna wa mina a hanye kahle kambe mina andzi cheleriwe phoyizeni naswona xivelekelo xa mina axi thyakile swinene. Leswi swi endle leswaku vanhu hinkwavo vatshemba, kutlula nale kusunguleni leswaku akuri xihoxo xa mina.
Ndzi hambanile na Mzwandile ndzi nga n’wi byelanga nchumu, ntsevu wa malembe endzhaku kaloko hi tekanile. Andzi n’wi twela vusiwana exikarhi ka vavanuna van’wana naswona andzi lava leswaku a chucheka. Andzi n’wi hetela nkarhi hikuva andzi nga kumi vana naswona a fanele ku teka nsati wunwana varingeta kambe, hileswi andzi swi ehleketa.
Ndzi tile laha Cape Town. Ahi vulavulanga eka nkarhi lowu hinkwawo. Kambe, eka nkarhi wunwana, loko ndzi fanele kuya ekaya e Eastern Cape, Ndz itwe leswaku arikarhi a vutisa ndyangu wa mina leswaku ndzi ta vuya rini hikuva a lava kundzi vona. Andzi switiva leswaku a ha ndzi rhandza swinene. Loko ndzi hetelela ndzi n’wi vona, akuri siku ra gome swinene naswona urilile.
Andzi byela leswaku anga tshembi leswaku ndzi hoxekile eka yena, kambe se a tekile nsati wun’wana, wansati loyi ari na vana vambirhi kusuka eka vukati bya yena bya khale naswona yena a lava ku hambana na mina. Nkarhi wunwana malume wa mina vandzi byele leswaku kuna maphepha ya divorce lawa yanga fika kambe mina andzi ya kumanga, hikuva nadzi ngari e kaya nkarhi walowo.
Ndza ha ehleketa leswaku loko ndyangu wa nuna wa mina awu hambanile na leswi awuri xiswona, ahi tava hahari swinwe. Ndza tivutisa, 'Hikokwalaho kayini hinga vangi na vana? Vutomi bya hina abyi tava byive kahle swinene.' Angari na vana na nsati wayena lontshwa. Ndzi ehleketa leswaku n’anga ayi n’wi tlhaverile ku tiyisisa leswaku angavi na vana.