Lubisi lwe mbuti likudla, linentfo yemaprotein lefana nelubisi lwelibele kantsi futsi ligayeka kahle kunelubisi lwenkhomo. Ebisini lwenkhomo, njenga casein nguyona ndlela yekutfwala emaprotein, kepha ebisini lwembuti kuhlanganiswa kwalo kuphansi kakhulu. Loku kungenta kusongeka kubantfu ngendzaba lekwakheke ngayo kwetintfo leticinile esiswini. Lubisi lwembuti lutfwele emafutsa lamancane kantsi futsi mafisha kakhulu kanye nema esidi emafutsa lasemkhatsini kunelubisi lwenkhomo. Loku kuphucula lokugaya kwelubisi lwenkhomo. Ngekwengeta, lubisi lwenkhomo lutfwele vitamin A, E, b1 (emaphesenthi langetulu langemashumi lasihlanu kunelubisi lwenkhomo), B2, ne zinc.
Kwakhiwa Kwemjikelo weLubisi Lwembuti
Umangabe timbuti tinakekelwa kahle, bantfwana bekucala (kutalwa kwemntfwana wembuti wekucala) kungenteka ngesikhatsi setinyanga letilishumi nakubili. Hhafu waletimbuti tingaba ngemaphahla ekutfoleni bantfwana kwekucala futsi bonkhe babanemaphahla kubantfwana. Kumunyisa (kukhicitwa kwelubisi) ngemuva kwebantfwana kuvame kutsatsa tinyanga letilishumi. Umakutsatse sikhatsi lesidze, timbuti kudzinga kutsi bese tiyomiswa. Etindzaweni letiba netimvula tasehlobo bantfwana labatalwa ekucaleni kwelihlobo bavame kwenta kahle kunalabo labatalwe muva. Kuyintfo lenhle kusakata lesikhatsi sekwakha kwentela kuciniseka kutsi kukhicitwa kwelubisi kuyachubeka.Kulungiselela bantfwana (kutsatsa kwekwakhiwa kwelubisi) kutsi kusakatwe ngephandle tinyanga letimbalwa kuciniseka kutsi lubisi lolukhona angeke lube yinkinga.
iMakethe Yelubisi lwe Mbuti
Live lelihamba phambili ngekuhambisa lubisi lwa cheese lwembuti yi Germany, noma nje mhlabawonkhe lokukhokha lubisi lwembuti yi India. Lelihamba phambili ngekungenisa lubisi lwa cheese lwembuti yi Italy.Lubisi lwembuti lungatsengiswa lulusha, lucinile noma lomisiwe (luyimphuphu). Lungatsengiswa kumtsengi ngamunye noma labakhako. Lubisi lwembuti lungakhiwa lube yi kefir (sinatfo sekhemikhali leshintshako), icheese,iyoghurt, ifudge, ice cream kanye nelubisi loluhlanganisiwe.
Lubisi lwembuti lolutsengiswa lulusha noma lucinile kumele lubesetintfweni letivalekako (kuvame kuba maplasitiki noma emabhodlela egilasi noma emaphakethe). Lubisi lwembuti lucina kahle, lizinga lalo aluphazanyiswa kulicinisa. Lubisi lolusha lutsengiswa lunjalo kubatsengi batfola linani lelikahle kunekulitsengisa kubakhi be cheese.
iCheese ingakhiwa kumbe ngelubisi lwembuti noma lubisi lwembuti loluhlanganisiwe naletinye tinhlobo telubisi. Ngako lokukhokhiwe kwekugcina kumele kupakishwe, ngelizinga lelitsite, lube selutfolakala futsi libe nelinani lelikahle. Lokwakhiwe ngelubisi lwembuti lokwentiwe eIndia kufaka ichhana (icheese lelula lengakavutfwa), khoa (kufana ne cheese ye ricotta), kanye ne paneer (icheese lengancibiliki). iCajeta lese Mexico ne gjetost lese Norway tintfo letatiwako letinongotelako letakhiwe ngelubisi lwembuti.
Lubisi lwembuti lutfwala i esidi yebumunyu lekuyintfo lesefako kantsi nale pH lefana nesikhumba sebantfu, kukahle kuyisebentisa etintfweni temitimba. Tintfo tekugcobisa letakhiwe ngelubisi lwembuti tilungele kusetjentiswa etikhunjeni letiyincelencele kanye netikhumba letiyinkinga kufana ne eczema, psoriasis, rosacea, acne ne shingles. Tintfo telubisi lwembuti (lelivame kuhlanganiswa ne oyili yesintfu/yemvelo kanye neluju lwetinyosi) kufaka insipho yelubisi lwembuti, kwekugcobisa tindzebe, ematje ekugeza, kwekugeza kanye nekugcobisa umtimba, lokukhokhwa emaveni lamaningi kufaka iNingizimu Afrika.Translated by Phindile Malotana