Ibisi lembuzi linezakhimzimba, linamaprotheyini afanana newebisi lebele lekomo begodu ligayeka msinya kunelekomo. E-esebisini lekomo, ngiyo emumethe amaprotheyini amanengi kodwana ebisini lembuzi ayisiyinengi khulu. Ihlanganisela le ngiyo eyenza bona bantu baqurhelane ngombana yenza kwakhele iziqa emathunjini.
Ibisi lembuzi limumethe amagwebu amancani kanye nama-fatty acids amafitjhani kanye nahlangana nendawo kunewebisi lekomo. Lokhu kwenza ncono ukugayeka kwebisi lembuzi.
Ukungezelela, ibisi lembuzi limumethe i-A, E, B1 (enengi nge-50 % ukudlula ibisi lembuzi more), B2, C kanye namaminerali afana ne-potassium, calcium, magnesium, phosphorus, iron, copper, kanye ne-zinc.
Isikhathi Sokubeletha Sembuzi Lebisi
Nange iimbuzi zitlhogonyelwa kuhle, zithoma ukuba nabentwana lokha nazinenyanga eziyi-12.Incenye yembuzi ziba namaphahla lokha zithoma ukubeletha kokuthoma nalokha zibeletha ngeskhathi esilandelako. Ukumunyisa (ukukhiqizwa kwebisi) ngemva kokobana zibe nabentwana kuvamise ukuragela phambili kuze kufike eenyangeni ezilisumu. Nange kuragela phambili ukudlula iinyangezo, iimbuzi kufanele ilisiwe ngamabomu.Endaweni enezulu lehlobo, amaputwana abelethwe ekuthomeni kwehlobo avamise ukuba mahle kunalawo abelethwe lada.Kuliqhinga elihle ukusabalalisa isikhathi sokuba nabentwana kwazo ukuqiniseka bona ziragela phambili nokukhiqiza ibisi.
Hlela ukobana zibe nabentwana (ngesikhathi lokha ibisi lilinengi) ukwenzela kobana ziragele phambili zimunyise kuzokuba nebisi elinengi.
Ibubulo Lembuzi Zebisi
Inarha edosa phambili ngokungenisa ibisi lembuzi elibuya eenarheni i zangaphandle yiJarimani kodwana inarha edosa phambili ngokukhiqiza ibisi lembuzi yiNdiya. I-Italy yona idosa phambili ngokusa ibisi lembuzi eenarheni ezingaphandle.Ibisi lembuzi lingathengiswa lifretjhi, lenziwe irhwaba nanyana lonyisiwe (liyipuphu).Lingathengiselwa umthengi munye nanyana abakhiqizi. Ibisi lembuzi lingenziwa i-kefir (ibisi elisiselo esibilisiweko) itjhizi,i-ayisikhrimu i-yoghurt, fudge, kanye nekondentsi. Ibisi lembuzi elithengiswa lifretjhi nanyana lirhahlile kufanele livalelwe eemumathini (ezivamise ukuba maplayistiki nanyana irhalasi nanyana amasatjhedi) Ibisi lembusi lirhadla kuhle, ikwalithi yalo ayonakali nanyana lirhahlileko. Ibisi elifretjhi elithengiselwa abathengi lithengiseka ngenani elincono kunalokha lithengiselwa abakhiqizi betjhizi.
Itjhizi lingenziwa ngebisi lembuzi elingakaqarhwa nanyana ibisi lembuzi elihlanganiswe neminye imihlobo yamabisi.Ibisi kufanele liphakethelwe kuhle, libe ngelekhwalithi, lihlale likhona begodu lithengeke.
Hlangana nemikhiqizi yebisi lembuzi eyenziwe eNdiya kubalwa i-chhana (okuyitjhizi ethambileko ehlaza), (efana netjhizi ye-ricotta), kanye ne-paneer (okuyitjhizi engancibilikiko). I-Cajet eseMexico kanye ne-Cajet eseNorway mikhiqizo evakwe i-caramel ethandakwo ezyenziwe ngebisi lembuzi.
Ibisi lembuzi limumethe i-lactic acid eyi-exfoliator yemvelo ene-pH efana neyeskhumba somuntu, njeke ifaneleke ukungasetjenziswa emikhiqizweni yomzimba. Imikhiqizo yezobuhle eyenziwe ngebisi lembuzi ifaneleke ukungasetjenziswa eskhunjeni esizwelako naleso esinemiraro efana ne-eczema, psoriasis, rosacea, acne Kanye ne-shingles. Imikhiqizo eyenziwe ngebisi lembuzi (ivamiswe ukuhlanganiswa namafutha weemvelo kanye ne-beeswax) kubalwa isibha esenziwe ngebisi lembuzi, i-lip balm yokuzesa umlomo, itswayi lokugeza, iinzesi zomzimba ezikhiqizwa eenarheni ezinengi ekubalwa neSewula Africa.Translated by Lizzy Shongwe