Maswi a dipudi a na le dikotla, a na le diteng tša proteine ya go swana le maswi a letswele gomme a šilega kudu go feta maswi a kgomo. Maswing a kgomo, αs1-casein ke seripa se se golo sa diteng tša proteine, eupša tswakatii ya yona ka maswing a dipudi ke ya go fokotšega kudu. Tlhakanyaditho ye e ka hlola pipelo bathong ka lebaka la go hlongwa ga karolo ya maswi ya go tiya ye e godimo ga maswi ka maleng.
Maswi a pudi a na le marothodinyana a makhura a mannyane le ketane ya diesiti tša makhura go feta maswi a kgomo. Se se kaonafatša tšhilego ya maswi a dipudi.
Godimo ga moo, maswi a dipudi, a na le dibhithamine A, E, B1 (50% go feta maswi a kgomo), B2 le C, gammogo le diminerale tša go swana le potasiamo, kalasiamo, maknisiamo, fosforo, tshipi, koporo, le zinki.
Leboo la Ditšwadišo tša Maswi a Dipudi
Ge e le gore dipudi di laolwa ka tshwanelo, tswalo ya mathomo (matswalo a potsane ya mathomo) e ka tšea karolo mo dikgweding tše 12. Seripa gare sa dipudi se tla ba le mafahla ka tswalo ya mathomo gomme di tla ba le mafahla ka tswadišo ye e latelago. Tšweletšo ya maswi ka morago ga tswalo ka tlwaelo e dula nako ya dikgwedi tše lesome. Ge e le gore e swarelela sebaka se se telele, dipudi di tla swanela go omelelwa ka maikemišetšo.Mafelong ao pula e nago selemo dipotsane tše di tswalwago mathomong a selemo ka tlwaelo di šoma kaone go feta tšeo di tswalago ka morago. Ke kgopolo ye botse go ala sehla sa tšwetšopele go netefatša tšweletšo ya go tswela pele ya maswi.
Beakanya tswalo (tšweletšo ye sehloeng ya maswi) di alwe mo dikgweding tše mmalwa go netefatša gore maswi a masalela a ka se be le bothata.
Maraka wa Dipudi tša Maswi
Naga yeo e romelago tšhese dipudi tša maswi ka ntle yeo e lego pele lefaseng ke Jeremane, le ge e le gore motšweletši wa maswi a dipudi yeo e lego pele lefaseng ke India. Moamogedi wa pele wa tšhese ya dipudi ke Italy.Maswi a dipudi a ka bapatšwa bjalo ka karolo ya maswi a foreše, a kgahlilego goba ao a omilego (maswi a lerole). E ka rekišetšwa bareki ka botee goba batšweletši. Maswi a dipudi a ka dirwa kefir (seno seo se titiyetšwego sa maswi) tšhese, yokate, faje, aesekherimi le maswi ao tšhetšwego swikiri. Maswi a dipudi ao a rekišwago a le foreše goba a rekišwago a kgahlilego a swanetše go tswalelwa ka ditswalong tšeo di tswetšwego (ka tlwaelo plastiki goba mabotlelo a digalase goba disatšhete). Maswi a dipudi a kgahla botse, boleng bja ona ga bo huetšwe ke go gatsela. Maswi a foreše a rekišwago thwii go bareki a tla hwetša thekišo ye kaone go feta go a rekišetša batšweletši ba tšhese.
Tšhese e ka dirwa ka go tšwa maswing a dipudi a go hlweka goba maswi a dipudi a go tswakanywa le mehuta ye mengwe ya maswi. Tšweletšo ya mafelelo e swanetše go phuthelwa ka go ratega, ka boleng bjo bo sa fetogego, go ba gona ka peakanyo le theko ye botse.
Ditšweletšwa tša pudi ya maswi tšeo di dirilwego ka India di akaretša chhana (tšhese ye boleta yeo e sa butšwiša ya maswi), khoa (ya go swana le tšhese ya ricotta), le paneer (tšhese yeo e sa tologeng.)
Cajeta go la Mexico le gjetost Ka Norway ditšweletšwa tša maswi a dipudi tša go tuma tšeo di dirilwego kharamela tša swikiri.
Maswi a dipudi a na le esiti ya lekthiki e lego eksfoliyeitha ya tlhago le pH ya go swana kudu le letlalo la batho, nyakega tšhomišong ya ditšweletšwa tša mmele. Ditšweletšwa tša khosmethiki di dirilwego go tšwa maswing a dipudi o loketšego hlokomelo ya letlalo le le mathata go swana le sekgalaka, psoriasis, rosacea, thala le hephisi. Ditšweletšwa tša pudi tša maswi (gantšhi di sepelelana le dioli tša tlhago le motu wa dinose) di akaretša sešepe sa dipudi tša maswi, ditlolo tša molomo, matswai a pafo, dihlwekiši le ditšhaši tša mmele, tšeo di tšweletšwago ka dinageng tše dintšhi, go akaretša Aforika Borwa.Translated by Lawrence Ndou