Emakhasi ecanola asetjentiselwa kwakha ioyili ye canola noma lefakwe nalokunyiwe kwe oyili ledliwako. Lo oyili uvunywe yi Heart Foundation, ngenca yeliphesenthi layo le omega-3 fatty acids lelehlisa kushona lokuphansi kwesigaba se lipoprotein cholesterol.
Kudla kwe canola kanye ne oyili yelikhekhe, lokumikhicito yekwenta ioyili, tintfo letikahle temaprotein etilwane netinhlavu te canola letitfwele 36% na 20% kuya ku 24% wemaprotein kantsi nale oyili yelikhekhe yecanola letfwele lokungaba ngu 35% wemaprotein. Kulamanye emave, icanola iphindze isetjentiswe ekukhokheni ibiofuel phindze nangendlela yamanyolo lote emakhemikhali.
Tintfo Letitfolwa Ekuguculweni kwe Nhlanyelo
iCanola iyinhlanyelo lekahle kakhulu ekuguculweni, nalabanye bakhiciti lababika 10% kuya ku 50% ngekukhula ekulandzeleni kukhokha kwemabele. Leni? iCanola inetintfo tekufutfwatetemhlaba letisita nekulwa tifo letitsite temabele, letifana ne take-all (kutsatsa-konkhe), white ear (indlebe lemhlophe), root knot nematodes (emanematodes etigadla tetimphandze) ne Phytophera. Kuvumela balimi kutsi basebentise emakhemikhali labulala titjalo kantsi ecinisweni kubavumela kutsi bahlobise lendzawo yetjani lobuyinkinga belikhula ngaphambi kwekulimma phindze emabele. Ngaphandle kwaloku, letimphandze letishonako leticinile tiphindze tisite kutsambisa lomhlabatsi.
Tidzingo te Simo Selitulu
iCanola ikhicitwa kusimo selitulu lesipholile. Le Department of Agriculture, Forestry ne Fisheries Canola Production Guideline – Litiko lwe Tekulima, Emahlatsi neKudvweba Luhla lweMkhicito weCanola luchaza emashumi lamabili nakunye emadegrees Celsius njengentfo lekahle kakhulu ekuhlumeni. Timo telitulu letiphakeme kuna 30 degrees Celsius ingaba silimato kulokuvundzako phindze kunganciphisa lamakhasi kanye nekukhula kwenhlavu kufika esigabeni lapho khona kukhokha kanye nelizinga kungalingani.
Kumkhicito wendzawo leyomile, lesigodzi kumele sitfole kumbe 300 mm welitulu emkhatsini waMabasa ne Mphala. iCanola iyincelencele esimeni lesibandzako ngesikhatsi sekuphuma kwetimbali kanye nesigaba sekugcwala kwetinhlavu noma emabele.
Tidzingo Temhlabatsi
iCanola ingalinywa ezingeni lenhlobo yemhlabatsi lelulekile, kepha ikhula kumhlabatsi-welibumba nebumantana lokudvonseke kahle futsi lobungatsatseli malula ekugedvukeni kwemoya. Lemihlabatsi kumele nayo ishone, kusukela lingetululetimphandze te canola tingafika ebudzeni lobungu 100 cm ngekushona. Le pH yemhlabatsi isemkhatsini wa 5.5 na 7 KCI.
Translated by Phindile Malotana