Diphotlwa tša canola gantšhi di šomišwa go dira gore oli ya canola goba e tswakanywe le dioli tše dingwe tše lewago. Oli ye e dumeletšwe ke Heart Foundation, ka lebaka la phesente ya godimo ya omega-3 diesete tša makhura tšeo di fokotšago tekanyo ye fasana ya maemo a kholesterolo ya protein ya makhura.
Dijo tša canola le oli ya kuku, tšeo e lego ditšweletša tša oli ye e šomiwago, ke methopo ye e lokilego ya protein ya diphoofolo le lebele la canola le nago le proteine ya 36% go ya go 46% ya oli le 20% go ya go 24% ya proteine le kuku ya canola ye e nago le protein ye e ka bago 35%. Ka dinageng tše dingwe, canola gape e šomišwa go tšweletša makhura a hlago le bjalo ka monontšha wa hlago.
Mehola Ya Phetošopšalo Ya Dibjalo
Canola ke sebjalo sa maleb as phetošopšalo, dibjalo le batšweletši ba bangwe ba bega 10% go ya go 50% ya koketšego ya go latišiša dipoelo tša korong. Ke ka lebaka la eng? Canola e na le gašetšo ya hlago e e thušago ga lwantšha malwetši a itšego a Korong, go swana le, Tšea ka moka, hlogo ya lebele ye tšhweu, nematode ya lehuto la modi le Phytophera.
Se se dumelela balemi go šomiša dibolaya lehola le go dira bjalo e ba dumelela go tloša bjang bja lehola bjo bo bakago mathata tšhemong pele ga pšalo ya korong gape. Ntle le se, moditona wo maatla wa yona wa botebo gape o a thuša go tlhanyaolola mabu.
Dinyakwa Tša Maemo a Bosa
Canola e tšweletšwa ka maemong a bosa a fodilego. Kgoro ya Temothuo, Kagodikgwa le Boruahlapi’ Hlahlo ya Tšweletšo ya Canola le e hlaola dikgato tše 21 Celsius bjalo ka themperetšha ya mabu ya maleba ya kgolo ya dikgato tše 15 go ya go tše 20 Celsius bjalo ka tše di kaone go mela. Dithemperetšha tša godimo go feta dikgato tše 30 Celsius di ka senya tulafatšo le go dira diphotlwa di be kopana le boemo bja hlabollo ya peu ya go fihla mo ye e nago le poelo le boleng bjo bo sa lekantšwego.
Ka baka la tšweletšo mašemong ao a omilego, e swanetše go ba le phihlelelo ya bonyane 300 mm ya pula ya magareng ga Moranang le Diphalane. Canola e amega gabonolo komelelong mo nakong ya go khukhuša le kgato ya go enya peu ya lebele.
Dinyakwa Tša Mabu
Canola e ka bjalwa ka mehutahuteng ya mabu, eupša e phela botse ka mabung a letsopa-serota ao a monotšwego gabotse gomme a sa hlaselwe ke kgogolego ye e hlolwago ke phefo. Mabu ka go kgethwa le ona a swanetše go ba a tibilego, bjalo ka ge go tloga ka tshepedišo ya modutona wa canola o ka fihla botelele bja 100 cm ka botebo. Mabu a pH ya maleba ke a magareng ga 5.5 le 7 KCI.
Translated by Lawrence Ndou