Kusuka kulima kuyibhizinisi kantsi nemali nesikhatsi kusencupheni, kwenta sincumo akukameli kube yintfo lekhona ngalesosikhatsi noma kwenteke-ngekushesha. Balimi kumele batsatse lemisebenti yekulima noma kufuya emcondvweni. Imisebenti ingafaka tisebenti (bantfu labatosebenta), imali, emanti, bukhona bemanti kanye netintfo tekumaketha letidzingekako. Tonkhe letitintfo tekusebenta kumele tihlanganiswe tibe yintfo lebukwe kumlimi noma umfuyi – kwentela kwakha imali.
Letinye tintfo talotifunako tekulima noma kufuya letingadlala inzima ekutsatseni-sincumo ngekulima noma kufuya nguleti:
Kukhulisa kukhicita kanye nekutsengisa
Kwehlisa emanani noma kubita kwentfo
Kubalekela tingoti netikwenede
Kutfola lizinga lelikahle lekuphila kanye nekunakekela umnde
Inchubo Yekwenta-Lesincumo
Lenchubo yekwenta-lesincumo kulelipulazi (ne, ngeliciniso, noma ngayiphi indlela yekubhekana nemphilo) tingahlukaniseka ngetindlela letisihlanu.Tfola lenkinga
Kungabe kunenkinga lefana nekukhukha lokuphansi enhlanyelweni yakho, kepha nguyiphi lendlela yalenkinga? Ngabe usebentisa lizinga leliphansi letinhlavu noma lenhlanyelo? Ngabe ulima kucala ngako letitjalo letincane tiyalimateka ngekomiswa sitfwatfwa? Ngabe umhlabatsi wakho uphansi kakhulu?
Inkinga ingaphindze ibe litfuba lekutsi ukhule. Cala ngekucokelela lwati. Fana nekutsi, tfola kutsi balimi lababomakhelwane bentanjani – ngabe basebentisa umcuba noma kwekuvundzisa, balima nini, ngabe banisela kangakanani nalokunye lokuningi.
Tfola ngaletinye tindlela noma tento
Ngemuva kwekutfola letinkinga kanye naletindlela letingito taletinkinga, tindlela letinye kumele tifunwe. Ungasishintja yini sikhatsi sakho sekulima, ngeta manyolo noma usebentise tinhlavu letincono tekulinywa? Loku kumelel kuhlolwe kwentela kubona kutsi lesisindvo sitoba yini – kusheshe ulime noma kutfutfukisa lomhlabatsi ngemcuba ngaphambi kwekulima kungachubela ekukhuleni lokukahle, lokungakhokha ekukhuleni kwemali.
Khetsa indlela lekahle
Nguyiphi kuletindlela letsandvwa kakhulu ekutfutfukiseni kusebenta kwelipulazi? Catsanisa lokuhle kanye nalokubi kwendlela letsite ngayinye ngetindlela tetimali, kutsi ungakanani umsebenti lotodzingeka, kukalwa kwesikhatsi kanye nengotiyakhona. E.g. umcuba ungadula kutsi utsengwe nekutsi utfutsetelwe kepha unetinkhomo ngako ungenta wakho umcuba, kepha kungatsatsa sikhatsi lesidze.
Fakela lesincumo
Uma ufakela indlela lekahle lencono, yifake ekwenteni. Letintfo letidzingekako (e.g. kusebenta, kunisela, manyolo) kumele kulungiswe, lekungukona kufaka kusebenta. Lokutsatsa lesincumo kumele kumukele imisebenti yekukwenta kwenteke. E.g. khetsa umuntfu lotocokelela manyolo bese ucala kwenta umcuba, khatsa sikhatsi sekufaka lomcuba bese ulungiselela umsebenti lowenele wekufaka umcuba ngesikhatsi lesingiso.
Kala lomuphumela
Gadza lokuchubeka kwentela kubona kumbe lolokufunako kuyatfolakala yini. Kugcinwakwemibhalo epulazini kuyintfo lebalulekile kutsi kugcinwe luhlelo lwetingucuko kanye nentfutfuko. Bhalal phansi tonkhe tingucuko letentekile kanye naleminye imiphumela leyatfolwa. E.g. Ngabe kufakwe umcuba longakanani, bowuyini lomehluko ekukhokheni nakucutsaniswa kuleto tinhlanyela lawungafakanga khona umcuba?
Translated by Phindile Malotana