Chardonnay
Inchazelo
iChadonnay ngulona wayini lelimhlopho lemagilebisi lelatiwako lelikhicitwako emhlabeni wonkhe. Kusiphambano noma umjubo emkhatsini wemndeni we Pinot kanye netinhlobonhlobo lesetingasekho lekutsiwa yi Gouais Blanc.
Lapho Avela Khona
Avela eveni lase France.
Emagama/ Emabito Lamanye
iMelon blanc, Pinot blanc Chardonnay, Pinot Chardonnay noma iWeisser Clevner.
Kukhicitwa eNingizimu Afrika
Uma inhlanyelo ibekhona eveni sikhatsi lesidze, kukhicitwa kucala uma sitjalo sesindlondlobele tase titfolwa ngemnyaka wa 1970. Kusukela lapho kuze kubengunyalo, kujujwa kwakumele kwentiwe kusukela kumavini lebekahlaselwe tifo.
Ngekukhatsatwa kutsatsa kancane lapho khona hulumende abehambisa phindze akhulula inhlanyelo lensha, licembu lelilishumi lebalimi lelacolela kutsatsa ematomu ngetandla tabo.
Emkhatsini wemnyaka wa 1973 kanye nasekucaleni, lelicembu langenisa tintfo ngalokungekho emtsetfweni laNingizimu Afrika, ngephasi kwemabhuluko abo, kumaputumende noma tikhwama tabo, etimphahleni phindze etindizeni letingatiwa. Babutsisa/bacokelela titjalo tase French etikolweni tewayini, eGeissenheim, eJalimane, lapho khona Danie De Wet, umphatsi wabo lobaholako, bekangumfundzi wakhona.
De Wet, lolima eDewetshof eRobertson, wekucala ekungeniseni noma ekushishimbiseni titjalo letinsha teChardonnay lapha eveni ngemnyaka wa 1973.
Tindzawo noma Tigodzi Tekukhicita
Le Chardonnay ikhicitwa kutotonkhe tindzawo letineliwayini la Ningizimu Afrika, kanye neRobertson, Paarl, Stellenbosch, iBreedekloof kanye neSwartland letsatsa yonkhe lendzawo lenkhulu lekhicitako.
Kukhula/Kuhluma
Lenhlanyelo ikhula/ihluma ibesemkhatsini, kanye nelikhono lesincumo semasimu lasihlanu kuya kumasimu layimfica.
Kuvutfwa
Ekucaleni, ngesikhatsi sekucala lesinguhhafu wenyanga yeNdlovana.
Emagungumence
Emagungumence mancane, ayindingilizi futsi anelibala leliluhlata lohhwabile kuya kumtfubi. Lesikhumba sincama, sicinile phindze siyabonakalisa, ibe inyama ilula futsi inemantana.
Emacembe
Emacembe asemkhatsini ngebukhulu, acishe abeyindingilizi, acinile, nemakona lacishe akhombile.
Tilokatana Nemagciwane
Le Chardonnay iphose ibebutsakatsaka kumagciwane nema botrytis. Lamavini akhulela ngephansi kwesimo lesipholile ebusika masesikhatsini lesingashisi kakhulu ehlobo. Kusheshe acale kuvutfwa kusita ekunciphiseni lizinga lekushisa natikhicita.
Kusetjentiswa
Isetjentiswa ngenhlobo yinye yetingodvo noma liwayini lelite lugodvo noma kukhicita lamanye lakenta emawayini lanetinhlase lasecophelweni lelisetulu laNingizimu Afrika. Ivamise kuhlanganiswa ne Sauvignon blanc.
Kuvela/Kunambitsa
Loluhlobo lwalamawayini lolukhicitwa nguloluhlavu lutsembele esimeni sekushisa noma kubandza kanye nasemhlabatsini. Uma luhlavu lutsatsa kahle etinhlobeni temhlabatsi, ishoki, lubumba kanye nasetjeni lelimhlophe kutsiwa ngulona lukahle noma ncono.
Tinhlobo tisukela kutitselo kuya ekushiseni, imitsi, bovanilla, bobhotela kanye ne cinnamon. Lamawayini anelibala leligolide kanye nekuvelela lokushelelako emlonyeni.
Translated by
Phindile Malotana